អាការ:ឈឺបំពងក និងស្លេសក្នុងរន្ធប្រហោងឆ្អឹងច្រមុះ តែងតែកើតឡើងជាញឹកញាប់ចំពោះមនុស្សគ្រប់រូប ជាពិសេសនាពេលអាសធាតុកំពុងតែប្រែប្រួល។ ថ្វីត្បិតតែជំងឺនេះត្រូវបានគេចាត់ទុកជាជំងឺសាមញ្ញពិតមែន ក៏ប៉ុន្តែវាអាចបង្កឲ្យមានបញ្ហារលាកច្រមុះ និងបំពង់ក កាន់តែធ្ងន់ធ្ងរ ប្រសិនបើអ្នកបណ្តោលទុកយូរមិនព្រមព្យាបាល។

តើមានវិធីអ្វីអាចកម្ចាត់ជំងឺប្រភេទនេះបានទៅ? ក្រៅពីថ្នាំពេទ្យ អ្នកក៏អាចប្រើប្រាស់វិធីធម្មជាតិដោយខ្លួនឯងដែរ។ ខាងក្រោមនេះ គឺជាវិធីផ្សំឱសថធម្មជាតិ ដើម្បីបញ្ហាកម្ចាត់ស្លេស និងឈឺបំពង់ក។

ធាតុផ្សំ៖

• ទឹកម្នាស់ កន្លះពែង
• ម្ទេសម៉ត់ មួយចឹប
• ទឹកឃ្មុំ ១ស្លាបព្រាបាយ
• ទឹកខ្មេះប៉ោម កន្លះស្លាបព្រាបាយ(apple cider vinegar)

របៀបអនុវត្ត៖
១.ចាប់ផ្តើមលាយធាតុផ្សំទាំងអស់បញ្ចូលគ្នា ហើយប្រើភ្លើងដុតកម្ដៅឲ្យក្តៅឧណ្ឌៗ។
២.បន្ទាប់មកអ្នកត្រូវទទួលទានភ្លាមៗតែម្តង ប៉ុន្តែអ្នកត្រូវអនុវត្តរាល់ថ្ងៃរហូតជំងឺជាសះស្បើយទាំងស្រុង។
៣.ពេលវេលាដែលល្អបំផុតក្នុងការទទួលទានភេសជ្ជ:នេះ គឺពេលល្ងាច៕

ប្រភព:beextrahealthynow