កីឡាករឆ្នើម ៤រូបត្រូវបាន FIFA សម្រេចឲ្យឈ្នះពាន 2016/17 UEFA Champions League positional awards ក្រោយពីទទួលបានការបោះឆ្នោតជាប់ជាស្ថាពរ ខណះ Real Madrid ជាប់កីឡាករ៣រូប និង Juventus ជាប់១រូបផងដែរ។

អ្នកចាំទីជើងចាស់ Gianluigi Buffon បានឈ្នះអ្នកចាំទីល្អជាងគេប្រចាំព្រឹត្តិការណ៍ Champion League កាលពីរដូវកាលមុន ក្រោយពីប្រជែងឈ្នះអ្នកចាំទី ២រូបផ្សេងទៀត។ Buffon ធ្វើបានយ៉ាងល្អ ដោយព្យាយាមរក្សាសំណាញ់ទី រហូតនាំក្រុម Juventus ឡើងទៅកាន់វគ្គផ្តាច់ព្រ័ត្រ UEFA Champion League ។ ចំណែកខ្សែការពារដ៍ឆ្នើម Sergio Ramos របស់ក្រុម Real Madrid បានឈ្នះជាខ្សែការពារដ៍ឆ្នើមប្រចាំព្រឹត្តិការណ៍នេះផងដែរ។ ជាការពិតណាស់ Ramos បានរារាំង ខ្សែប្រយុទ្ធគូប្រគួតមិនឲ្យស៊ុតបានជាច្រើនលើកច្រើនសារ ព្រមទាំងមានឱកាសរកគ្រាប់បាល់បាន១គ្រាប់ និងបោះបាល់ឲ្យមិត្តរួមក្រុមស៊ុតចូលបាន ៣គ្រាប់ផងដែរ។ ក្រឡេកមកមើលជ័យលាភី ខ្សែបម្រើឆ្នើមវិញបានមកលើកីឡាករ Luka Modric របស់ក្រុមស្តេចស Real Madrid ដែរ ។

Modric បានបង្ហាញនូវទម្រង់លេងយ៉ាងល្អ ក្នុងនាមជាអ្នកនាំបាល់លេង ចុះជួយការពារ និងបង្កើតឱកាសគ្រោះថ្នាក់នៅតំបន់ប្រយុទ្ធ។ ចំណែកកំពូលខ្សែប្រយុទ្ធឆ្នើម Cristiano Ronaldo បានឈ្នះពាន ខ្សែប្រយុទ្ធឆ្នើម ប្រចាំព្រឹត្តិការណ៍នេះផងដែរ។ Ronaldo គឺជាចលករមួយយ៉ាងសំខាន់ក្នុងការជួយក្រុម Real Madrid ឈ្នះពាន UEFA Champion League កាលពីឆ្នាំមុននេះ។ ក្នុងនោះដែរ Ronaldo ស៊ុតបាន១២គ្រាប់ ច្រើនជាងគេ និងបោះបាល់ឲ្យមិត្តរួមក្រុមស៊ុតបាន ៦គ្រាប់ផងដែរ។

ខាងក្រោមនេះជាស្ថិតិរបស់កីឡាករទាំង៤ ក្នុងការលេងនៅ Champion League រដូវកាលមុន៖

Gianluigi Buffon (Juventus)
Appearances: 12
Minutes: 1080
Clean sheets: 9
Goals conceded: 7

Sergio Ramos (Real Madrid)
Appearances: 11
Minutes: 1001
Clean sheets: 1
Goals conceded: 14
Goals: 1
Assists: 3

Luka Modrić (Real Madrid)
Appearances: 11
Minutes: 983
Goals: 0
Assists: 1

Cristiano Ronaldo (Real Madrid)
Appearances: 13
Minutes: 1200
Goals: 12
Assists: 6