បន្ទាប់ពីមានពត៌មានជាច្រើនបានចុះផ្សាយ នាពេលកន្លងមកថា ក្រុម Real Madrid បានយល់ព្រមលក់ Kovacic ក្នុងលក្ខខ័ណ្ឌខ្ចីជើងឲ្យក្រុម Juventus នោះ នាពេលនេះ ក្រុមយក្សអេស្ប៉ាញមួយនេះ បានចេញមុខបដិសេធចំពោះការលក់ Kovacic ។

ជាការពិតណាស់ នាពេលកន្លងមកនេះ Kovacic ត្រូវបានប្រភពសារពត៌មានជាច្រើន ជឿជាក់ថាកីឡាកររូបនេះ ប្រាកដជាទៅ Juventus ជាមិនខាន ព្រោះថា ក្រុម Real Madrid បានយល់ព្រមលក់ក្នុងលក្ខខ័ណ្ឌខ្ចីជើង ក្នុងទំហំទឹកប្រាក់ជាង ៤០លានផោន ជាមួយ Juventus ។ យ៉ាងណាវិញ បើតាមប្រភព​ AS បានឲ្យដឹងថា Real Madrid បានបដិសេធ ក្នុងការលក់ Mateo Kovacic ទៅឲ្យក្រុម Juventus ទោះបីក្នុងលក្ខខ័ណ្ឌណាមួយក៍ដោយ ព្រោះថា ក្រុមយក្សមួនេះ មិនចង់បាត់បង់កម្លាំងដ៍សំខាន់នេះឡើយ។ ជាក់ស្តែងណាស់ Mateo Kovacic នៅមួយរយៈចុងក្រោយនេះ ខ្សែបម្រើក្រូអាតរូបនេះ បានបង្ហាញខ្លួនឲ្យ Real Madrid សឹងគ្រប់ការប្រកួត មិនថាស្ថិតក្នុងជម្រើសដំបូងឬ ត្រូវដូរចូលឡើយ ខណះដែលរដូវកាលមុន Kovacic អង្គុយមើល ច្រើនជាងការចូលលេង។

គួរបញ្ជាក់ផងដែរថា Juventus ពិតជាចង់បាន Kovacic ណាស់ ជាពិសេស ប្រសិនបើ ខ្សែបម្រើរូបនេះទៅកាន់អ៊ីតាលីមែន ឱកាសរបស់គេមានច្រើនជាងនៅ Real Madrid ។ ក៍ប៉ុន្តែ Real Madrid មិនមានបំណងចង់លក់ Kovacic ឡើយ ម្យ៉ាងវិញទៀត Real ចង់រក្សាទុកកីឡាករបម្រើឲ្យបានច្រើន ស្របពេលដែល Modric អាយុកាន់តែចាស់ ដែល Kovacic នឹងមានឱកាស លេងជម្រើសដំបូងក្នុងពេលឆាប់ៗនេះ។ ក៍ប៉ុន្តែ Kovacic នៅតែពិបាកប្រជែង តំណែងនៅ Real តែរូបគេបែរជាចហ់បន្តនៅ ទៀតទៅវិញ។ យ៉ា

ងណាវិញ Real Madrid បានបដិសេធមិនលក់ Mateo Kovacic ទៅឲ្យ Juventus ដែលនេះមានន័យថា Real នៅតែបន្តចង់រក្សាទុក Kovacic ដដែល។ ដូច្នេះហើយ ក្តីសង្ឃឹមរបស់ក្រុមសេះបង្កង់ Juventus ត្រូវបានបញ្ចប់ បន្ទាប់ពី Real Madrid បដិសេធ ការលក់ កីឡាករល្អ Mateo Kovacic ។