ក្រុមហង្សក្រហម Liverpool ពិតជាធ្វើបានយ៉ាងល្អ ក្នុងសប្តាហ៍នេះ ដោយបានបំបាកមក្រុមកាំភ្លើងធំ Arsenal ក្នុងលទ្ធផល ៤-០ ។

នេះគឺជាជ័យជម្នះយ៉ាងអស្ចារ្យ សម្រាប់ក្រុមហង្សក្រហម Liverpool ដែលអាចបំបាកមក្រុម Arsenal បានបែបនេះ។ ជាការពិតណាស់ Liverpool បានលុតក្រុម កាំភ្លើងធំ Arsenal មិនឲ្យតដៃបាន ក្នុងលទ្ធផល ៤-០ នៅក្នុងទឹកដី Anfield កាលពីយប់មិញនេះ។ ៤គ្រាប់របស់ក្រុមហង្សក្រហម Liverpool រកបានដោយកីឡាករ Firmino នៅនាទីទី១៧, Sadio Mane នៅនាទីទី ៤០, Mohamed Salah នៅនាទីទី ៥៧ និងកីឡាករ Daniel Sturridge នៅនាទីទី ៧៧ ។ ឆ្លងកាត់ការប្រកួតនេះ Liverpool មាន ៧ពិន្ទុ ឈរលេខ២ ក្នុងតារាង តាមពីក្រោយក្រុមបីសាចក្រហម Manchester United ដែលមាន ៩ពិន្ទុក្នុងដៃឈរលេខ១ក្នុងតារាង។

ចំណែកក្រុមកាំភ្លើងធំ Arsenal វិញ ៣ប្រកួតកន្លងមកនេះ មានត្រឹម ៣ពិន្ទុប៉ុណ្ណោះ ឈរចំណាត់ថ្នាក់លេខ ១៦ក្នុងតារាង។ ដូច្នេះហើយ នេះគឺជាជ័យជម្នះយ៉ាងអស្ចារ្យ សម្រាប់ក្រុម ហង្សក្រហម ក្នុងការយកឈ្នះលើក្រុមជើងខ្លាំង Arsenal ក្នុងសប្តាហ៍ទី៣ នេះ។

https://www.youtube.com/watch?v=Hvua0l4HxB4