ខ្សែប្រយុទ្ធតម្លៃថ្លៃ ក្នុងប្រវត្តិសាស្ត្រ របស់ក្រុម Chelsea កីឡាករ Alvaro Morata បានចាប់ផ្តើមបង្ហាញឲ្យអ្នកគាំទ្រ Chelsea ទាំងអស់ពេញចិត្តយ៉ាងខ្លាំង ចំពោះសមត្ថភាពរបស់ខ្សែប្រយុទ្ធអេស្ប៉ាញរូបនេះ។

ជាក់ស្តែងណាស់ ក្នុងការប្រកួតជាមួយក្រុម Everton យប់មិញនេះ Alvaro Morata រកបាន១គ្រាប់ឲ្យក្រុមតោខៀវ Chelsea ក្នុងការយកឈ្នះក្នុងលទ្ធផល ២-០ ។ Morata រកគ្រាប់បាល់យ៉ាងអស្ចារ្យឲ្យ Chelsea នៅនាទីទី៤០ ខណះ Fabregas រកបាន១គ្រាប់ដំបូងតាំងពីនាទីទី ២៧ ។ តាមរយៈ១គ្រាប់យប់មិញនេះ វាគឺជាគ្រាប់បាល់ទី២ហើយ សម្រាប់ Alvaro Morata ក្រោយពេលផ្លាស់មកកាន់ក្រុមតោខៀវ Chelsea ។ ម្យ៉ាងវិញទៀតនោះ អ្នកគាំទ្ររបស់ Chelsea ជាច្រើន ជឿជាក់ថា Morata នឹងបន្តស៊ុតបានច្រើនគ្រាប់បន្ថែមទៀត ដើម្បីជួយក្រុមឲ្យឈ្នះពានជាច្រើនបន្តទៀត នៅឆ្នាំនេះ។ គួរបញ្ជាក់ផងដែរថា Alvaro Morata នៅពេលផ្លាស់មកកាន់ក្រុម Chelsea ដំបូងកីឡាកររូបនេះ មិនបានបង្ហាញនូវទម្រង់លេងគួរឲ្យកត់សម្គាល់ដល់ក្រុម Chelsea ឡើយ ជាពិសេស ការប្រកួតមិត្តភាពកន្លងមក។

យ៉ាងណាវិញ ក្នុងការប្រកួត នៅ​ Premier League ៣ប្រកួតកន្លងមកនេះ Morata អាចរកបាន ២គ្រាប់ហើយសម្រាប់តោខៀវ Chelsea នេះសបញ្ជាក់ឲ្យឃើញថា ខ្សែប្រយុទ្ធអេស្ប៉ាញ ដែលទិញពីក្រុម Real Madrid ថ្មីៗកន្លងមកនេះ ពិតជាល្អ និងមិនខកចិត្តឡើយសម្រាប់ក្លិប និងអ្នកគាំទ្រ។ ដូច្នេះហើយ Alvaro Morata នឹងបន្តធ្វើព្យុះ ធ្វើភ្លៀងនៅ Premier League បន្តទៀត។

https://www.youtube.com/watch?v=raXivhqM5jY