ខ្សែប្រយុទ្ធវ័យក្មេង Ousmane Dembele បានក្លាយជាកីឡាករពេញសិទ្ធិរបស់ក្រុម Barcelona ហើយ ក្នុងតម្លៃផ្ទេរ ១៣៥,៥ លានផោន។

យ៉ាងណាវិញ តាមប្រភពពី Twitter បានឲ្យដឹងថា គ្រាន់តែបានផ្លាស់មកកាន់ក្រុម Barcelona ភ្លាម Ousmane Dembele បានលុបរាល់ Twitter ដែលកីឡាកររូបនេះធ្លាប់បានផុសសរសើរ ពីកំពូលខ្សែប្រយុទ្ធឆ្នើម Cristiano Ronaldo ។ វាពិតជារឿងដ៍ភ្ញាក់ផ្អើលមួយ ព្រោះថា មនុស្សម្នាក់ ដែលធ្លាប់ជាអ្នកគាំទ្រ និងជាអ្នកស្រឡាញ់ពេញចិត្តបុគ្គលម្នាក់ បែរជាអាចលុបចោលរាល់អ្វីដែលខ្លួនបានផុសទាំងអស់ ក្រោយពេលមកកាន់កន្លែងដែលជាគូបដិបក្ខនឹងគ្នា។ ជាក់ស្តែងណាស់ Dembele បានផ្លាស់មកកាន់ក្រុម Barcelona ហើយដែលជាកន្លែង មិនត្រូវគ្នា ឬមិនគាំទ្រដល់ Ronaldo ឡើយ។

ហេតុនេះហើយ វាបានធ្វើឲ្យ Dembele ប្រែប្រួលទៅតាមនឹងដែរ ព្រោះថា ទោះបីពេញចិត្ត ឬមិនពេញចិត្ត ក៍ត្រូវតែលុបចេញរាល់ អ្វីដែល Dembele បានសរសើរដល់ Ronaldo ដែរ។ ម្យ៉ាងវិញទៀត នៅ Barcelona គឺជាក្លិបប្រជែងស្លាប់រស់ ជាមួយ Real Madrid ដូច្នេះហើយ មិនមែនជាកន្លែងសម្រាប់សរសើរពីសត្រូវ ឬគូប្រជែងរបស់ខ្លួនឡើយ។