ខ្សែប្រយុទ្ធវ័យក្មេងអាហ្សង់ទីន Paulo Dybala បានបន្តក្នុងការរកគ្រាប់បាល់ឲ្យក្រុម សេះបង្កង់ Juventus បាន១គ្រាប់ទៀត ក្នុងជ័យជម្នះ ៣-០​លើក្រុម Chievo Verona ។

Dybala នៅតែបង្ហាញខ្លួនបានយ៉ាងល្អឲ្យក្រុម សេះបង្កង់ Juventus ក្នុងសប្តាហ៍ថ្មីនេះ។ ៣គ្រាប់របស់ Juventus រកបានដោយការស៊ុតចូលទីខ្លួនឯង ដោយកីឡាករ Perparim Hatamej នៅនាទីទី១៧​, Gonzalo Higuain នៅនាទីទី ៥៨ និងខ្សែប្រយុទ្ធកំពុងឡើងជើង Paulo Dybala នៅនាទីទី ៨៣។ គួរបញ្ជាក់ផងដែរថា​ ឆ្លងកាត់ការប្រកួត ៣លើកកន្លងមក ក្រុម Juventus ឈ្នះទាំង៣ប្រកួត មាន៩ពិន្ទុក្នុងដៃ ឈរកំពូលតារាងបណ្តោះអាសន្ននៃក្របខ័ណ្ឌកំពូលអ៊ីតាលី។ ក្នុងនោះដែរ​ ខ្សែប្រយុទ្ធវ័យក្មេងអាហ្សង់ទីន Paulo Dybala រកគ្រាប់បាល់បាន ៥គ្រាប់ហើយ ក្នុងការបង្ហាញខ្លួន៣លើកកន្លងមកនេះ​ ដូចទៅនឹងតារារាមច្បង Lionel Messi កំពុងរកបាន ៥គ្រាប់ដូចគ្នា ក្នុងការបង្ហាញខ្លួន ៣លើក នៅក្របខ័ណ្ឌកំពូល Laliga របស់ប្រទេសអេស្ប៉ាញ។

ដូច្នេះហើយ​ តាំងពីផ្លាស់ប្តូរអាវមកពាក់លេខ ១០កន្លងមក Paulo Dybala ពិតជាធ្វើបានយ៉ាងល្អ ដែលតែងតែរកគ្រាប់បាល់បានគ្រប់ការប្រកួតឲ្យក្រុម Juventus ។

https://www.youtube.com/watch?v=2a1bTiNYcvo