ហង្សក្រហម Liverpool គឺជាក្រុមអង់គ្លេសតែមួយគត់ ដែលមិនអាចរកបាន៣ពិន្ទុ ពីការប្រកួតដំបូងនៃក្របខ័ណ្ឌ UEFA Champion League ។

ជាការពិតណាស់ ការប្រកួតដំបូងរបស់ហង្សក្រហម ក្នុងការទទួលក្រុមអេស្ប៉ាញ Sevilla ពិតជាមិនទទួលបានលទ្ធផលល្អឡើយ។ ជាក់ស្តែងណាស់ Liverpool លេងបានត្រឹមស្មើប៉ុណ្ណោះ ជាមួយក្រុមជើងខ្លាំងអេស្ប៉ាញ Sevilla ក្នុងលទ្ធផល ២-២ ក្នុងទឹកដីខ្លួនឯង។ ក្នុងការប្រកួតនេះ ក្រុមភ្ញៀវ Sevilla បានរកគ្រាប់បាល់បានមុនតាំងពីនាទីទី៥ ដោយកីឡាករ Wissam Ben Yedder ក៍ប៉ុន្តែត្រូវបានតាមស្មើមកវិញដោយខ្សែប្រយុទ្ធប្រេស៊ីល Roberto Firmino នៅនាទីទី២១ ។ យ៉ាងវិញក្រុមហង្សក្រហម Liverpool បានបន្តការនាំមុខវិញ ដោយការស៊ុតបញ្ចូលទីរបស់កីឡាករ Mohamed Salah នៅនាទីទី៣៧ ខណ:នាទីទី៤២ Firmino មានឱកាសទាត់បាល់ ១១ម៉ែត្រ តែធ្វើមិនបានសម្រេចឡើយ។ ការរបូតបាល់១១ម៉ែត្រនេះ បានធ្វើឲ្យក្រុមហង្សក្រហម Liverpool ខកចិត្តយ៉ាងខ្លាំងព្រោះថា នៅនាទីទី៧២ កីឡាករ Joaquin Correa បានរកគ្រាប់បាល់តាមស្មើឲ្យក្រុម Sevilla វិញផងដែរ។

ម្យ៉ាងវិញទៀតនោះ Liverpool បានបាត់បង់សមាជិកម្នាក់នៅចុងម៉ោង នាទីទី៩០៎ ទៅហើយ ដោយទទួលបានកាតក្រហម ក្រោយពីទទួលបានកាតលឿង២ដង គឺកីឡាករ Joseph Gomez ។ ចំណែកមួយគូទៀតរវាងក្រុម Maribor ជាមួយក្រុម Spartak Moscow ក៍បញ្ចប់ក្នុងលទ្ធផល ១-១ ដែរ ជាហេតុធ្វើឲ្យពូល E នេះសុទ្ធសឹងនាំយក១ពិន្ទុ ត្រឡប់ទៅវិញរៀងៗខ្លួន។

//www.youtube.com/watch?v=WPn_qK5LJ4w