ការប្រកួតពានរង្វាន់លីគកំពូលកម្ពុជារដូវកាល ២០១៧ ក្នុងជំនួបសប្ដាហ៍ទី ១៦ ក្រុមបាល់ភ្នំពេញក្រោន បានយកឈ្នះ ក្រុមបាល់ទាត់អាសុីអុឺរ៉ុប យូណាយធីត ដោយលទ្ធផល ៤ទល់២ កាលពីម្សិលមិញ នៅលើវាលស្មៅធម្មជាតិនៃកីឡដ្ឋាន RSN។
គ្រាប់បាល់របស់ម្ចាស់ផ្ទះទាំង ៤គ្រាប់ រកបានដោយកីឡាករ Gisung នៅនាទី ១២ ហើយនៅនាទី ២០ កីឡាករ កែវ សុខផេង រកបាន ១គ្រាប់ និងកីឡាករវ័យក្មេង អិុន សុដាវីត រកបាន ២គ្រាប់ ម្នាក់ឯង នៅនាទី ៤២ និង ៥៧ ខណ:ដែល ២គ្រាប់ របស់ក្រុមភ្ញៀវរកបានដោយកីឡាករ BATA ២គ្រាប់ ម្នាក់ឯង នៅនាទី ៤៧ និង ៨០ ។
គួរំលឹកផងដែរថា កាលពីថ្ងៃទី១៩ ខែកញ្ញា ឆ្នាំ២០១៧ ក្នុងជំនួបជើងទី១ អាស៊ីអឺរ៉ុបយូណាយធីត ធ្លាប់បរាជ័យ ០-៣ ម្តងមកហើយ ខណ:ពេលនេះ ភ្នំពេញក្រោន នៅតែបន្តឈ្នះដដែល៕
មតិយោបល់