ក្រុមហង្សក្រហម Liverpool កំពុងតែត្រៀមធ្វើរឿងថ្មីមួយ​ទៀត នៅខែមករាខាងមុខនេះ ក្នុងការនាំយកខ្សែបម្រើក្រូអាត Mateo Kovacic ពីក្រុម Real Madrid ។

ថ្វីបើក្រុម Real Madrid បានប្រកាសម្តងរួចមកហើយថា ខ្សែបម្រើ Mateo Kovacic មិនមែនសម្រាប់លក់ក៍ដោយ តែក្រុមហង្សក្រហម Liverpool នៅតែព្យាយាមចង់បានកី​ឡាករក្រូអាតរូបនេះ។ ជាក់ស្តែងណាស់ បើតាមការចុះផ្សាយរបស់ Sky Sports បានឲ្យដឹងថា លោក Klopp កំពុងែមមាញឹកក្នុងការទាក់ទងជាមួយក្រុម Real Madrid រឿងតាមទិញ Mateo Kovacic នៅទីផ្សារដោះដូរកីឡាករលើកទី២​ នាខែមករាខាងមុខនេះ។ Kovacic នៅប៉ុន្មានប្រកួតចុងក្រោយនេះ ត្រូវបានក្រុម Real Madrid ផ្តល់ឱកាសឲ្យលេងច្រើនគួរសមផងដែរ ដើម្បីលួង​កុំឲ្យចាកចេញពីក្លិប។ យ៉ាងណាវិញ Kovacic បានរងរបួសក្នុងជំនួប UEFA Champion League ជាមួយក្រុម APOEL Nocosia ដែលធ្វើឲ្យកីឡាកររូបនេះ​ត្រូវប្តូរចេញភ្លាមៗតែម្តង។ យ៉ាងណាក៍ដោយ Liverpool មានការពេញចិត្តយ៉ាងខ្លាំង ចំពោះទម្រង់លេងរបស់ Mateo Kovacic ខណៈក្លិបអង់គ្លេសមួយនេះ បានតរៀមលក្ខណះរួចជាស្រេច ក្នុងការចរចារជាមួយក្រុម​យក្សអេស្ប៉ាញ Real Madrid ដើម្បីទិញ Kovacic ។

ចំណែកខាង Real Madrid វិញ​ ហាក់ដូចជាមិនចង់លក់ Kovacic ឡើយ ព្រោះថាពួកគេបានរារាំង លក់ Kovacic កាលពីរដូវក្តៅកន្លងមកហើយ បើទោះបីជាក្រុម Real Madrid ប្រមូលផ្តុំទៅដោយខ្សែបម្រើល្អៗ ជាច្រើនក៍ដោយ។ ដូច្នេះហើយ វាជារឿងពិបាកបន្តិចហើយ​សម្រាប់ក្រុមហង្សក្រហម Liverpool ក្នុងការទិញ Mateo Kovacic ពីក្រុម Real Madrid ។