ក្រុមជើងឯកលីគកំពូលកម្ពុជា ៦ សម័យកាល បានណាត់ក្រុមជើងខ្លាំងដែលកំពុងឈរចំណាត់ថ្នាក់លេខ១ នៅលីគលំដាប់ទី២ របស់កម្ពុជា វិសាខា ប្រកួតមិត្តភាពកម្តៅសាច់ដុំ នាកីឡដ្ឋាន RSN។

សម្រាប់ការប្រកួតនេះនឹងធ្វើឡើងនៅថ្ងៃទី២៦ ខែកញ្ញា ឆ្នាំ២០១៧នេះ នាវេលាម៉ោង ៤ រសៀល។ ដោយសារតែលីគកំពូលកម្ពុជាសម្រាក ខណៈដែលកីឡាករមួយចំនួនត្រូវប្រមូលផ្តុំហ្វឹកហាត់ជាមួយក្រុមជម្រើសជាតិ ដើម្បីត្រៀមទៅប្រកួតនឹង វៀតណាម នៅថ្ងៃទី ១០ ខែ តុលា ឆ្នាំ២០១៧ នៅប្រទេសវៀតណាម ក្នុងវគ្គជម្រុះជុំចុងក្រោយ ប្រចាំពូល C នៃពានរង្វាន់ AFC Asain Cup UAE 2019។

សូមបន្ថែមផងដែរថា នៅក្នុងជំនួបមិត្តភាពរវាង ភ្នំពេញក្រោន ជាមួយ វិសាខា នេះមិនមានលក់សំបុត្រទេ ដូច្នេះអ្នកគាំទ្រអាចចូលរួមទស្សនាបានដោយសេរី ខណៈក្រុមការងារ Post Sport ក៏ធ្វើការផ្សាយផ្ទាល់ផងដែរ៕