ក្រុមកំពូលតារាង Manchester City នឹងត្រូវអវត្តមានខ្សែប្រយុទ្ធដ៍ឆ្នើម Sergio Aguero នាការប្រកួតយប់នេះ ដោយសារតែ កីឡាកររូបនេះ បានជួប​គ្រោះថ្នាក់ចរាចរណ៍​​ កាលពីម្សិលមិញនេះ។

នេះគឺជាការខកចិត្តមួយ សម្រាប់ក្រុម Manchester City ដែលត្រូវធ្វើដំណើរទៅកាន់ទឹកដីរបស់ក្រុមខ្លាំង Chelsea នាយប់នេះ ដោយអវត្តមានខ្សែប្រយុទ្ធអាហ្សង់ទីន Sergio Aguero ។ ការអវត្តមាន Aguero នេះដែរ អាចធ្វើឲ្យ Man City បាត់បង់កម្លាំងប្រយុទ្ធមួយយ៉ាងសំខាន់ ដែលអាចធ្វើឲ្យប៉ះពាល់ដល់ តំបន់ប្រយុទ្ធរបស់ក្រុម Man City ។ គួរបញ្ជាក់ផងដែរថា Aguero បានរងរបួសនៅក្នុងគ្រោះថ្នាក់ចរាចរណ៍កាលពីម្សិលនេះនៅប្រទេសហូឡង់ ដោយរបួសឆ្អឹងជំនី ដែលតម្រូវឲ្យកីឡាកររូបនេះ សម្រាកឲ្យបានជាសះស្បើយ​សិន ។ យ៉ាងណាក៍ដោយ Man City នៅមានខ្សែប្រយុទ្ធ ឆ្នើមៗជាច្រើនទៀត ដូចជា Gabriel Jesus និង Raheem Sterling ជាដើមដែលសុទ្ធសឹង អាចជំនួសតំណែងរបស់ Aguero បាន។

ដូច្នេះហើយ ការធ្វើដំណើរទៅកាន់ ទឹកដីក្រុមតោខៀវ Chelsea យប់នេះ ថ្វីបើមិនមានវត្តមានរបស់ខ្សែប្រយុទ្ធឆ្នើម Sergio Aguero ក៍ដោយ តែក្រុម Man City នៅតែលេងដោយមាន​ ក្តីសង្ឃឹមច្រើន ព្រោះថា ក្រុមកំពុងគ្រងតំណែងកំពូលតារាងមួយនេះ មានមហិច្ចតា​ចង់ឈ្នះពាន Premier League ខណៈខ្សែប្រយុទ្ធជួរមុខ Sterling និង Jesus ជាក្តីសង្ឃឹមរបស់ Man City នៅយប់នេះ។