ខ្សែប្រយុទ្ធអង់គ្លេសដ៍ឆ្នើម Harry Kane ពិតជាមិនធ្វើឲ្យ​ក្រុម Tottenham អស់សង្ឃឹមឡើយ ក្នុងការរក្សាកីឡាករ​រូបនេះ ក្នុងការលក់ទៅឲ្យក្លិបផ្សេង នារដូវក្តៅកន្លងមក ដែលមានក្លិបធំៗជាច្រើន តាមចែរចង់កីឡាកររូបនេះ។

ជាក់ស្តែងណាស់ ក្នុងការប្រកួតលើទឹកដីក្រុមចំពូលថ្មី Hudderfield Town ក្រុមរងជើងឯករដូវកាលមុន Tottenham បានទៅបំបាក់ក្នុងលទ្ធផល ៤-០ យ៉ាងចាស់ដៃផងដែរ។ ក្នុងនោះដែរ ខ្សែប្រយុទ្ធដែល​ទទួល​បានស្បែកជើងមាស ២រដូវកាលជាប់គ្នាកន្លងមកនោះ គឺ Harry Kane នៅតែជាកីឡាករដែលពូកែស៊ុតដដែលឲ្យ ក្រុម Tottenham ។ Harry Kane បានស៊ុត ២គ្រាប់ក្នុង​ចំណោម ៤គ្រាប់ដែល Tottenham រកបានដោយស៊ុតនៅ ​​នាទីទី៩ និងនាទីទី២៣ ខណ:២គ្រាប់រកបានដោយ Ben Davies នៅនាទីទី១៦ និង Moussa Sissoko នៅនាទីទី៩០។

តាមរយ:ការប្រកួតនេះ បានធ្វើក្រុម Tottenham ឡើងទៅឈរលេខ៣បណ្តោះអាសន្នក្នុងតារាង Premier League សប្តាហ៍ទី៧នេះ។ ម្យ៉ាងវិញទៀតនោះ Harry Kane កំពុងតែមានគ្រាប់បាល់ប្រកៀកប្រកិតគ្នា ជាមួយនឹង Lukaku និង Morata ដែលពេលនេះ Kane មានគ្រាប់បាល់ ៦គ្រាប់ក្នុងដៃហើយ។ ដូច្នេះហើយ ប្រសិនបើ ការប្រកួតក្រោយៗទៀត Harry Kane នៅតែបន្តស៊ុតបានយ៉ាងល្អបែបនេះទៀត​ នោះទំនងជាស្បែកជើងមាសរដូវកាលនេះ នៅ Premier League មិនរបូតចេញពីកណ្តាប់ដៃខ្សែប្រយុទ្ធអង់គ្លេសរូបនេះឡើយ។

សូមរំលឹកថា មិនត្រឹមតែកំពុងប្រកៀកប្រកិតគ្រាប់បាល់នៅ Premier League ឡើយ សូម្បីនៅ Champion League កីឡាករ Harry Kane ក៍កំពុងនាំមុខគ្រា់ប់បាល់ ​ផងដែរ ដោយមាន ៥ គ្រាប់លើ Cristiano Ronaldo ដែលមានត្រឹម ៤ គ្រាប់ប៉ុណ្ណោះ។

//www.youtube.com/watch?v=pWdH_b5_knQ