ខ្សែប្រយុទ្ធ Carlos Tevez នឹងទៅលេងនៅក្លឹបShanghai Shenhua របស់ប្រទេសចិន បន្ទាប់ពីរូបគេចាកចេញពីក្លឹបនៅស្រុកកំណើត Boca Juniors ទៅ។
Tevez បានបញ្ជាក់យ៉ាងច្បាស់ថាខ្លួននឹងចាកចេញពីក្លឹបនៅស្រុកកំណើតនេះ ក្រោយពីចប់រដូវកាល ខណៈដែលពួកគេនៅសល់តែប៉ុន្មានប្រកួតទៀតប៉ុណ្ណោះ។ យ៉ាងណាមិញ ការចាកចេញពីក្លឹបនៅស្រុកកំណើតនេះត្រូវបានគេដឹងថា ខ្សែប្រយុទ្ធរូបនេះ នឹងទៅលេងនៅក្លឹបប្រទេសចិន ក្នុងតម្លៃប្រាក់ឈ្នួលខ្ពស់មែនទែន ដល់ទៅ៣១,៥លានផោនឯណោះក្នុង១ឆ្នាំ។
ប្រសិនបើការផ្លាស់ប្ដូរដែលសឹងតែកើតមាន១០០%នេះ មិនមានបញ្ហាទេនោះ គឺមានន័យថាអតីតខ្សែប្រយុទ្ធ Juventus រូបនេះនឹងទៅលេងនៅក្លឹបជាមួយ Demba Ba ចាប់ដៃគូគ្នានៅតំបន់ប្រយុទ្ធ។ ខណៈដែលក្លឹបដៃគូប្រជែងរបស់ Shanghai Shenhua ឈ្មោះថា Shanghai SIPG នោះក៏ត្រូវបានគេដឹងថាកំពុងតែតាមទិញ Oscar ពី Chelsea មកដូចគ្នា ដើម្បីចាប់ដៃគូជាមួយ Hulk ដែលជាកីឡាករលេងនៅជម្រើសជាតិប្រេស៊ីលដូចគ្នា។
នេះមានន័យថាលីគរបស់ប្រទេសចិនកាន់តែខ្លាំងទៅហើយ ក្រោយពីមានការកោះហៅកីឡាករនៅតំបន់អឺរ៉ុបជាច្រើនមកលេងនៅទីនេះ ជាពិសេសក្លឹបនៅទីក្រុងសៀងហៃតែម្ដង ហៅសុទ្ធតែកំពូលកីឡាករតែម្ដង៕
មតិយោបល់