គ្រូបង្វឹករបស់ក្រុម Everton លោក Ronald Koeman កំពុងតែបារម្ភពីតំណែងរបស់លោក នៅរដូវកាលនេះ ក្រោយពីចាប់ផ្តើមរដូវកាលកន្លងមក មិនសូវទទួលបានជោគ​ជ័យឡើយ ទាំង Premier League និង Europa League ។

រដូវកាលនេះ ហាក់ដចជាមិនសមប្រកបឡើយ សម្រាប់លោក​ Ronald Koeman ក្នុងការដឹកនាំក្រុម​ Everton ព្រោះថាការលេងចុងក្រោយក្នុងទឹកដីខ្លួនឯង Everton បានចាញ់ក្រុម Burnley ដែលជាក្រុមមិនសូវ​ខ្លាំងមួយ ក្នុងលទ្ធផល ១-០​ ។ ការបរាជ័យ ក្នុងដីខ្លួនឯងនេះដែរ បានធ្វើឲ្យក្រុម Everton ធ្លាក់ទៅឈរក្នុងលេខរៀងទី ១៦ក្នុងតារាង Premier League ដោយប្រកួត ៧ប្រកួតកន្លងមក ឈ្នបានតែ២ប្រកួត ស្មើ១ និងចាញ់ដល់ទៅ ៤ប្រកួតឯ​ណោះ។ តាមរយលទ្ធផលនេះ បានធ្វើឲ្យតំណែងរបស់លោក Ronald Koeman កំពុង​តែរង្គោះរង្គើយ៉ងខ្លាំង ខណ:ក្លិប Everton កំពុងតែពិចារ​ណាលើការដឹកនាំរបស់លោកផងដែរ។

គួរបញ្ជាក់ផងដែរថា Everton ក្រោយពីលក់ Romelu Lukaku ឲ្យ Man Utd ហើយនាំយកកីឡាករចំណូលថ្មីមាន Wayne Rooney និង Sandro Ramirez ហាក់ដូចជាមិនទទួលជគជ័យឡើយ។ ចំណែក Lukaku វិញបែរជាកំពុងទទួលជោគជ័យយ៉ាងខ្លាំង នៅ Man Utd ទៅវិញ ដែលនេះបង្ហាញឲ្យឃើញថា ការលក់ Lukaku ពិតជាមិនល្អឡើយសម្រាប់Everton ។ យ៉ាងណាវិញ សម្រាប់អនាគត់របស់លោក Ronald Koeman នៅ Everton មិនទាន់ច្បាស់នៅឡើយទេ ទំនងជា ២-៣ប្រកួត​ទៀត នឹងដឹងច្បាស់ហើយ ប្រសិនបើលោក មិនអាចកែប្រែ​ស្ថានការណ៍កំពុងអាប់អួរនេះ​ បានទេនោះ។

ដូច្នេះហើយ លោក​ Ronald Koeman ត្រូវស្វែងរកយុទ្ធសាស្ត្រថ្មីដែល​ប្រសើរសម្រាប់ដឹកនាំ Everton ឲ្យល្អប្រសើរជាងនេះ ប្រសិនបើលោកចង់ បន្តដឹកនាំក្លិបនេះបន្តទៀតនោះ។