ការចំណាយលុយយ៉ាងច្រើនសន្ធឹកសន្ធាប់ នារដូវក្តៅកន្លង​មករបស់សេដ្ឋីកាតា ចំពោះក្រុម Paris Saint Germain ហាក់ដូចមិនទាន់ស្កប់ស្កល់ឡើយ ព្រោះថា ក្លិបបារាំងមួយ​នេះ កំពុងត្រៀមលេងហ្គេមប្រជែងជាមួយក្រុមស្តេចស Real Madrid របស់អេស្ប៉ាញ។

ជាក់ស្តែងណាស់ បើតាមការចុះផ្សាយរបស់ Express News បានឲ្យដឹងថា ដើម្បីមហិច្ចតាឈ្នះពាន Champion League ក្រុម Paris Saint Germain បានត្រៀមធ្វើជាគូប្រជែងរបស់ក្រុម Real Madrid វិញម្តង។ មិនត្រឹមតែចង់ដណ្តើមយកពាន Champion League ពីក្រុម Real Madrid ឡើយ ក្រុម Paris Saint Germain ក៍ចាប់ផ្តើមដណ្តើមយកអ្នកចាំទី​សំណព្វ​ចិត្តរបស់ក្រុម Real Madrid គឺកីឡាករ Devid De Gea ពីក្រុមបីសាចក្រហមផងដែរ។

ជាការពិតណាស់​ PSG បានចាប់អារម្មណ៍លើអ្នកចាំទីក្រុម Atletico Madrid កីឡាករ Oblack​ ដែរ ក៍ប៉ុន្តែ គោលដៅចម្បង គឺ ក្រុម បារាំងមួយនេះចង់បាន ​De Gea ជាង។ យ៉ាងណាក៍ដោយ Paris Saint Germain មិនទាន់បានកំណត់តម្លៃខ្លួន នៅឡើយទេ ក្នុងការប្រជែងជាមួយក្រុម Real Madrid ក៍ប៉ុន្តែ មិនឲ្យទាបជាងឡើយ។ គួរបញ្ជាក់ផងដែរថា Paris Saint Germain បានទិញកីឡាករថ្លៃៗមកពងរឹងក្លិប នៅរដូវក្តៅកន្លងមក ដែលក្នុងនោះរួមមានដូចជា Neymar , Dani Alves និង Kylian​ Mbappe ដែលកីឡាករទាំង៣ រូបនេះ ចំណាយលុយអស់ជាង ៤០០លានអឺរ៉ូ។

ដូច្នេះហើយ សម្រាប់ការចូលខ្លួនមកប្រជែង ទិញ Devid De Gea នេះច្បាស់ជាមិនធ្វើឲ្យ Real Madrid ងាយស្រួលឡើយ ដែលនេះនឹងក្លាយជាសមរភូមិដ៍តានតឹងរវាងក្រុមទាំង ២ជាក់ជាមិនខាន។