ក្រុមស្តេចស Real Madrid បានសម្រេចចិត្ត ក្នុងការដោះ​ដូរកីឡាករ៣រូបជាមួយក្រុម Tottenham Hotspur ដើម្បីនាំយកខ្សែប្រយុទ្ធដ៍ឆ្នើមមួយរូប មកកាន់​ Bernabeu វិញ។

តាមរយ: Diario Gol បានឲ្យដឹងថា ប្រធានក្លិប Real Madrid លោ Florentino Perez បានសម្រេចចិត្ត ក្នុងការទិញយកខ្សែប្រយុទ្អអង់គ្លេស​ Harry Kane ពីក្រុម Tottenham Hotspur ហើយ។ ជាការពិតណាស់ Harry Kane បានបដិសេធ មិនមក Real Madrid ក្នុងតម្លៃ ២០០លានអឺរ៉ូឡើយ ក៍ប៉ុន្តែលោក Perez បែរជាមិនចរចារទិញ កីឡាកររូបនេះ ដោយប្រើលុយទៀតឡើយ ដោយលោកសម្រេចចិត្តលេងល្បែង ដោះដូរកីឡារ និងកីឡាករវិញ។ ក្នុងនោះដែរ លោក Florentino Perez បានសម្រេចដូរ Gareth Bale និង Karim Benzema ឲ្យក្រុម Spurs រួមទាំងលុយ ប្រមាណជា ៣៨លានផោន បន្ថែមទៀត ដើម្បីដូរយក Harry Kane ត្រឡប់មកវិញ។

មិនតែប៉ុណ្ណោះប្រធានក្លិប Real Madrid រូបនេះ នឹងបន្ថែមខ្សែបម្រើដ៍ឆ្នើម Luka Modric មួយរូបទៀត ប្រសិនបើ Tottenham ទាមទារបន្ថែមនោះ។ ការបន្ថែម Modric នេះដែរ​ លោក Perez បានពន្យល់ឲ្យដឹងថា Dani Ceballos និង Mateo Kovacic អាចនឹងជំនួសតំ ​ណែងរបស់ Modric បាន ខណ: Isco និង​ Marco Asensio សុទ្ធសឹងជាជម្រើសសំខាន់ជំនួស Bale ចំណែក Benzema វិញ គឺជំនួសដោយខ្សែប្រយុទ្ធចំណូលថ្មី Harry Kane ។

ដូច្នេះហើយ ម្តងនេះ​ ប្រហែលជាក្រុម Tottenham អាចនឹងមិនពិចារណាទៀតឡើយ ព្រោះថា ការលក់តែ Harry Kane ម្នាក់ ក្រុមអង់គ្លេសមួយនេះ អាចនាំយក​កីឡាករឆ្នើម ២រូប ឬ៣រូប ដែលសុទ្ធសឹងជាកីឡាករល្អៗ និងជាអតីតកីឡាកររបស់ក្លិបផងដែរ ដូចជា Gareth Bale និង​ Luka Modric ។