ព័ត៌មានកីឡា

បីសាចក្រហម នៅតែបន្តប្រមាញ់កីឡាករក្រូអាតរូបនេះ

ក្រុមបីសាចក្រហម Manchester United នឹងមិនឲ្យខកខានឱកាសលើកនេះ​ឡើយ ក្នុងការតាមប្រមាញ់កីឡាករក្រូអាត កំពុងឡើងជើង Ivan Perisic ពីក្រុម Inter Milan នៅរដូវក្តៅនេះ។

ជាក់ស្តែងណាស់ បើតាមការចុះផ្សាយរបស់ Manchester Everning បានឲ្យដឹងថា ក្រុមបីសាចក្រហម Manchester United កំពុងតែមមាញឹកយ៉ាង​ខ្លាំង ដើម្បីធ្វើករផ្ទេរយក Ivan Perisic មកកាន់ Old Trafford ។ Perisic កាន់​តែធ្វើឲ្យពិភពលោក ចាប់អារម្មណ៍ ទៅលើកីឡាកររូបនេះយ៉ាងខ្លាំង បន្ទាប់ពីជួយ​ឲ្យ​ក្រូអាតឈានទៅដល់វគ្គផ្តាច់ព្រ័ត្រ World Cup នៅរុស្ស៊ីឆ្នាំនេះ។ ក្នុងនោះដែរ Man Utd ត្រូវរង់ចាំដល់សប្តាហ៍ក្រោយ ពោលក្រោយបញ្ចប់ World Cup រួច ពួក​គេនឹងដឹងច្បាស់ថា Ivan Perisic នឹងបន្តនៅ Inter Milan ឬយល់ព្រមផ្លាស់​មកកាន់ Man Utd នោះ។ យ៉ាងណាវិញ ថ្វីបើមិនទាន់ដឹងច្បាស់ក្តី តែតាមរយ: Manchester Evening បានបង្ហាញឲ្យឃើញថា ៧០% ហើយ ដែល Ivan Perisic ក្លាយជាសមាជិករបស់ Man Utd ក៍ប៉ុន្តែ វត្តមានរបស់ Ronaldo នៅ Juventus ក៍អាចជាបរិបទមួយថ្មី ដែលរារាំងកីឡាករល្បីៗ មិនឲ្យចាកចេញពី អ៊ីតាលីផងដែរ។

ដូច្នេះហើយ ក្រុមបីសាចក្រហម Manchester United មានជំនឿចិត្តយ៉ាងមុត​មាំ ក្នងការនាំយក កីឡាករក្រូអាត Ivan Perisic មកកាន់ Old Trafford ខណ:តម្លៃខ្លួនវិញ មិនថោកឡើយ។

មតិយោបល់