ក្លិបបាល់ទាត់ Jiangsu Suning របស់បចិនបានបដិសេធពាក្យចចាមអារ៉ាមដែលបាននិយាយថា Ramires នឹងត្រូវផ្ទេរទៅឱ្យក្រុម Inter Milan ក្នុងខែមករា។

របាយការណ៍នៅក្នុងប្រទេសអ៊ីតាលីបានបង្ហាញថាក្លិបយក្សនៃក្របខ័ណ្ឌ Serie A កំពុងតែចរចាជាមួយនឹងក្លិប Jiangsu Suning អំពីកិច្ចព្រមព្រៀងមួយសម្រាប់ខ្សែបម្រើប្រេស៊ីលរូបនេះ នៅពេលបើកទ្វារដោះដូកីឡាករ។ ទោះជាយ៉ាងណាក៏ដោយក្រុមនៅ China Super League ដែលបច្ចុប្បន្នកំពុងដឹកនាំដោយលោក Fabio Capello មិនមានផែនការដោះដូរកីឡាករវ័យ ៣០ ឆ្នាំរូបនេះទេ។

អ្នកគ្រប់គ្រងរបស់ក្លិប Jiangsu បានប្រាប់សារព័ត៌មាន Yangtse Evening Post ថា៖ “យើងមិនមានបំណងអនុញ្ញាតឱ្យ Ramires ចាកចេញពីក្លឹបនោះទេ” ។ “យើងមិនបានចូលរួមនៅក្នុងការចរចារណាមួយជាមួយក្លឹប Inter Milan ហើយពាក្យចចាមអារ៉ាមទាំងនោះគឺមិនសមហេតុសមផលទេ” ។

ខ្សែបម្រើ Ramires កំពុងតែស្ថិតក្នុងយុទ្ធនាការ CSL នៅរដូវកាលនេះខណៈដែលពួកគេឈរនៅចំណាត់ថ្នាក់លេខ១៣ លើសពិន្ទុក្រុមបាតតារាងដោយមាន ៧ពិន្ទុ ដែលជាតំបន់ត្រូវកាត់ចេញ៕