បន្ទាប់ពីក្រុម Tottenham លេងបានយ៉ាងល្អ ក្នុងជំនួបជា​មួយ Real Madrid កាលពីពេលថ្មីៗ កន្លងមកនេះ បាន ធ្វើឲ្យ ក្រុមអ្នកមានបុណ្យ Barcelona ចាប់អារម្មណ៍យ៉ាង​ខ្លាំង លើកីឡាករឆ្នើម ២រូបរបស់ក្រុម Tottenham ។

Barcelona នៅតែជាគូប្រជែង មិនចេះចប់មិនចេះហើយ ជាមួយក្រុម Real Madrid មិនថានៅ Laliga ឡើយ ដែលពេលនេះ ក្រុមមួយនេះ កំពុងតែព្យាយាមដណ្តើមយក​កីឡាករជាមួយទៀត។ ជាក់ស្តែងណាស់​ Barcelona កំពុងតែចាប់អារម្មណ៍ កីឡាករ Christian Erickson និង ខ្សែប្រយុទ្ធ Harry Kane ដែល​ Real Madrid កំពុងចាប់អារម្មណ៍ដូចគ្នា។ Barcelona បានមើលឃើញពី​ សមត្ថភាពយ៉ាងល្អ​ របស់កីឡាករទាំង២ រូបនេះ ក្រោយពីបញ្ចប់ការប្រកួត Real Madrid ១-១ Tottenham រួចមក។

Erickson និង Harry Kane គឺជាចំណែក ដ៍សំខាន់ របស់ Tottenham ក្នុងការប្រកួតកន្លងកនេះខណៈ Barcelona កំពុងត្រូវការខ្សែប្រយុទ្ធ ដែលមុតស្រួចដូច Harry Kane និងខ្សែម្រើ ដែលល្អ និងមានល្បឿនលឿនដូច Christian Erickson បែបនេះ។ សម្រាប់ Erickson ទំនងជា Barcelona មានសង្ឃឹមច្រើន ក៍ប៉ុន្តែ Harry Kane វិញ មិនងាយស្រួលឡើយ​ ព្រោះថា អាចប្រឈមនឹង Real Madrid ដែលឲ្យតម្លៃមហិមា នាពេលន្លងមក ហើយ Real Madrid បានផ្តល់លក្ខខ័ណ្ឌល្អដល់ Tottenham ផងដែរ។

ដូច្នេះហើយ ក្រុម Barcelona កំពុងចាប់ផ្តើមល្បែង ប្រកួតប្រជែង ជាមួយក្រុម Real Madrid ទៀតហើយ ដើម្បីប្រជែងយកកីឡាករដ៍ឆ្នើម កំពុឡើងជើង Harry Kane រួមនឹងការចាប់អារម្មណ៍លើ Christian Erickson ផងដែរ។