ខ្សែបម្រើប្រយុទ្ធវ័យក្មេង​អេស្ប៉ាញ Marco Asensio មួយរយៈចុងក្រោយនេះ ដូចជាស្ងាត់ខ្លាំងណាស់ ដែលកាលពីមុនរដូវកាលកន្លងមកកីឡាកររូបនេះ បានបង្ហាញសមត្ថភាពយ៉ាងអស្ចារ្យ ឲ្យក្រុម Real Madrid។

Asensio បានធ្វើឲ្យអ្នកទស្សនាបាល់ទាត់គ្រប់គ្នា មានការចាប់អារម្មណ៍យ៉ាងខ្លាំង កាលពីមុន និងដើមរដូវកាលកន្លងមក ដែលកីឡាករអេស្ប៉ាញរូបនេះ ស៊ុតមិនប្រណីឡើយ។ យ៉ាងណាវិញ មួយរយៈចុងក្រោយ​នេះ Asensio ដូចជាមានភាពស្ងប់ស្ងាត់យ៉ាងខ្លាំង បន្ទាប់​ពីរូបគេ​ ហាក់ដូចជាលេងធ្លាក់ទម្រង់យ៉ាងខ្លាំង ព្រមទាំង​កម្រនឹងទាត់បញ្ចូលទីណាស់។ ក៍ប៉ុន្តែ ក្នុងការលេងឲ្យក្រុម Real Madrid យប់មិញនេះ ដោយប្រកួតទល់នឹងក្រុម Eibar ខ្សែបម្រើប្រយុទ្ធវ័យក្មេងអេស្ប៉ាញរូបនេះ បានរកគ្រាប់បាល់ បញ្ចូលទីឲ្យក្លិបបានវិញហើយ។ ជាក់ស្តែងណាស់ Asensio អាចរកគ្រាប់បាល់ បាន១គ្រាប់ក្នុងចំណោម ៣គ្រាប់ដែល​ Real Madrid សំពងលើក្រុម Eibar យប់មិញនេះ ។ ៣គ្រាប់របស់​ Real Madrid ការស៊ុតចូលទីខ្លួនឯង របស់កីឡាករ Paulo Olivera នៅនាទីទី១៨, Marco Asensio នៅនាទីទី២៨ និងខ្សែការពារស្លាបឆ្វេង Marcelo នៅនាទីទី ៨២ ។

ដូច្នេះហើយ ក្រុមស្តេចស Real Madrid បន្តប្រដេញពិន្ទុ​ជាមួយក្រុមកំពូលតារាង​ Barcelona បន្តទៀត ដើម្បីការពារតំណែងជើងឯក របស់ពួកគេ នៅរដូវនេះ បន្តទៀត ខណៈខ្សែបម្រើប្រយុទ្ធវ័យក្មេងអេស្ប៉ាញ Marco Asensio អាចស្វែងរកគ្រាប់បាល់បញ្ចូលទី បានវិញហើយ​ក្រោយខកខានជាច្រើនប្រកួតកន្លងមក។

https://www.youtube.com/watch?v=gJ5XR2D1HKU