ខ្សែប្រយុទ្ធជប៉ុន Keisuke Honda បានបង្ហាញខ្លួនយ៉ាងល្អ ឲ្យក្រុម Pachuca ក្នុងជំនួបជាមួយក្រុម Zacatepec ក្នុងការប្រកួត Copa Mexico Cup ដោយស៊ុតបាន ២គ្រាប់ក្នុងចំណោម៥គ្រាប់របស់ក្លិប។

មកទល់ពេលនេះ Honda អាចស៊ុតបាន ៣គ្រាប់ហើយឲ្យក្លិបថ្មី Pachuca បន្ទាប់ពីផ្ទេរ កាលពីរដូវក្តៅកន្លងមក ទៅកាន់ក្រុម Pachuca នៅក្របខ័ណ្ឌ កំពូលរបស់ប្រទេសម៉ិកស៊ីកូ។ ជាក់ស្តែងណាស់ កីឡាករជប៉ុនរូបនេះ ស៊ុតបាន ២គ្រាប់ ឲ្យក្រុម Pachuca ក្នុងពានរង្វាន់ Copa Mexico Cup ជាមួយក្រុម Zacatepec កាលពីម្សិលមិញនេះ។ ៥គ្រាប់​របស់ក្រុម Pachuca រកបានដោយកីឡាករ Erick Gurierres នៅនាទីទី ១៧, Keisuke Honda ២គ្រាប់ នៅនាទីទី ៣៦ និង ៤៤, Angelo Sagal នៅនាទីទី ៥៥ និងកីឡាករ German Cano នៅនាទីទី ៥៩ ផងដែរ ក្នុងនោះដែរ ក្រុម Pachuca ទទួលបានកាតក្រហម ១នៅ​ចុងម៉ោង ដោយកីឡាករ Emmanuel Garcia នៅនាទីទី ៨៩។

ដូច្នេះហើយ ការផ្លាស់ទៅកាន់ក្របខ័ណ្ឌ ម៉ិកស៊ីកូ ពិតជាផ្តល់អនាគត់ដល់ Keisuke Honda ជាងនៅ AC Milan ដែលបានផ្តល់ឱកាសឲ្យកីឡាករជប៉ុនមួយនេះ ចូលលេងបានច្រើនជាងមុន។

តោះ! មកទស្សនា ការស៊ុតបញ្ចូលទីឲ្យក្រុម Pachuca ក្នុងជំនួបជាមួយក្រុម Zacatepec ខាងក្រោមនេះ ទាំងអស់គ្នា៖

https://www.youtube.com/watch?v=6P5GduCjpC8