តារាចម្រៀង Justin Bieber បានទៅជួបជាមួយកំពូលកីឡាករ៣នាក់របស់ក្រុម Barcelona គឺ Lionel Messi , Luis Suarez និង Neymar កាលពីម្សិលមិញនេះ ដើម្បីជាការបង្ហាញការគាំទ្ររបស់គេ។

ក្នុងឱកាសការដើរសម្ដែង European Tour អ្នកចម្រៀង Justin បានទៅជួបជាមួយ Idol របស់គេ ដើម្បីជាការលើកទឹកចិត្ត ខណៈដែលតារាចម្រៀងវ័យក្មេងរូបនេះ គាំទ្រ Barcelona តាំងពីយូរណាស់មកហើយដែរ។ ការបង្ហាញវត្តមាននៅទីលានហ្វឹកហាត់នេះដែរ Justin ក៏បានចូលទៅហ្វឹកហាត់លេងជាមួយកីឡាករដទៃទៀតដែរ ដោយរូបគេជាអ្នកចាំទី ខណៈដែល Neymar ធ្វើជាអ្នកស៊ុត។

នេះជាការបង្ហាញការគាំទ្រមួយរបស់តារាចម្រៀងខាងលើនេះ ដែលឆ្លៀតពេលទំនេរទៅលេងក្រុម Barcelona មុនក្រុមអ្នកមានបុណ្យនេះត្រូវប្រកួតជាមួយ Celtic ក្នុងពានរង្វាន់ UEFA Champions League វគ្គសន្សំពិន្ទុក្នុងពូល៕