ចប់ការប្រកួតនាពហុកីឡដ្ឋានជាតិ នាវេលាម៉ោង ៣:៣០ នាទីរសៀលមុននេះ ក្រុមទាល់ទាត់ជម្រើសជាតិចិនអាយុក្រោម ១៩ឆ្នាំ បានយកឈ្នះ ជម្រើសជាតិមីយ៉ាន់ម៉ាអាយុក្រោម ១៩ឆ្នាំ ក្នុងលទ្ធផល ១ទល់០ ដែលជាជំនួបលើកចុងក្រោយ ក្នុងពូល G វគ្គជម្រុះ ពានរង្វាន់យុវជនប្រចាំទ្វីបអាស៊ីអាយុក្រោម១៩ឆ្នាំ ( AFC U-19 Championship 2018)។

នៅវគ្គទី១ កីឡាករពាក់លេខ១០ LIU RUOFAN រកបាន ១គ្រាប់ នៅនាទី ៣៨ ហើយក្រុមទាំងពីរបានវាយសម្រុកគ្នាទៅវិញទៅមក ប៉ុន្តែមិនអាចមានគ្រាប់បាល់ទាត់បញ្ចូលទីឡើយ។ ដូច្នេះហើយលទ្ធផលជ័យជម្នះ ១ទល់០ នេះ ជួយឲ្យក្រុម ចិន ឈានទៅវគ្គបន្ទាប់នៅប្រទេសឥណ្ឌូនេសុី។

សូមបញ្ជាក់ផងដែរថា នៅក្នុងការប្រកួតវគ្គជម្រុះ AFC U-19 Championship 2018 នេះយកតែមួយក្រុមនៅក្នុងពូលប៉ុណ្នោះ ដើម្បីឡើង ហើយសម្រាប់ក្រុមលេខ២ ទាល់តែជាក្រុមដែលល្អបំផុតចំនួន ៥ក្រុម(ក្នុងចំណោម១០ពូល) នឹងមួយក្រុមទៀតគឺម្ចាស់ផ្ទះឥណ្ឌូនេសុី ឡើងដោយស្វ័យប្រវត្ត(សរុប១៦ក្រុម)៕