Post News Media ព័ត៌មានកីឡា ថ្ងៃ​ខួប​កំណើ...

ថ្ងៃ​ខួប​កំណើត Di Maria ​និង Cavani ​ធ្វើ​ស៊ី Barcelona ​ដល់​៤-០

ពិត​ជា​រឿង​មួយ​ដែល​មិន​នឹក​ស្មាន​ដល់​មែន ​ក្រុម PSG ​បាន​យក​ឈ្នះ​លើ​ក្រុម​ខ្លាំង​របស់​អេស្ប៉ាញ​ដល់​ទៅ ៤-០ ​ក្នុង​ពាន​រង្វាន់ UEFA Champions League ​កាល​ពី​យប់មិញ​នេះ។

Di Maria ​និង Cavani ​សុទ្ធ​តែ​ធ្វើ​បាន​ល្អ​ដូច​គ្នា​កាល​ពី​យប់មិញ ​ត្បិត​អី​ជា​ថ្ងៃ​ខួប​កំណើត​របស់​ពួកគេ​ផង​ដែរ។ ដូច​ដែល​អ្នក​គាំទ្រ​នៅ​បារាំង​ចង់​បាន ​ជ័យជម្នះ​នៅ​​ជើង​ទី​១ ​ក្នុង​លទ្ធផល ៤-០ ​នេះ​អាច​នឹង​មាន​ភាព​កក់ក្ដៅ​បន្តិច​ហើយ​សម្រាប់​ក្រុម​នៅ​ទីក្រុង​បារីស​មួយ​នេះ ​ព្រោះ​ថា​តាំង​ពី​ប៉ះ​គ្នា​ប៉ុន្មាន​ឆ្នាំ​ចុង​ក្រោយ​នេះ PSG ​មិន​ដែល​មាន​វាសនា​យក​ឈ្នះ Barcelona ​ដើម្បី​ឡើង​ទៅ​វគ្គ​បន្ដ​នោះ​ទេ។

មួយ​វិញ​ទៀត ​ក្រុម​អ្នក​មាន​ប្រទេស​បារាំង​ខាង​លើ​នេះ​បាន​ដាក់​គោលដៅ​ដើម្បី​យក​ពាន Champions League ​ម្ដង​ផង​ដែរ ដោយ​បាន​ចំណាយ​ប្រាក់​លើ​ការ​ទិញ​ដូរ​កីឡាករ​ក្នុង​រយ:​ពេល​៦​ឆ្នាំ​ចុង​ក្រោយ​នេះ​រហូត​ដល់ ៧០០​លាន​អឺរ៉ូ​ទៅ​ហើយ។

យ៉ាងណាមិញ ​ជ័យជម្នះ​នេះ​មិន​ទាន់​ប្រាកដ​ថា PSG ​ឡើង​ទៅ​វគ្គ​បន្ដ​១០០%​នោះ​ទេ ​ព្រោះ​នៅ​មាន​ជើង​ទី​២​ទៀត ដែល​ត្រូវ​ធ្វើ​ឡើង​នៅ​ទឹក​ដី​របស់ Barcelona ​ម្ដង។ តែ​លទ្ធផល​ឈ្នះ ៤- ០ ​នេះ​អាច​ធ្វើ​ឱ្យ​ក្រុម​នៅ​ទីក្រុង​បារីស​មាន​ទំនុក​ចិត្ត​ខ្ពស់​ហើយ៕