ខ្សែបម្រើអេស្ប៉ាញ Isco Alarcon កំពុងតែចាប់ផ្តើមដើរ​តួនាទីជា Key Player របស់ក្រុម Real Madrid ជំនួស​ Cristiano Ronaldo បន្ទាប់ពីរដូវកាលនេះ Isco លេងឡើងជើងយ៉ាងខ្លាំង។

នេះគឺជារដូវកាលថ្មីយ៉ាងល្អ សម្រាប់ខ្សែបម្រើល្បឿនលឿន អេស្ប៉ាញ Isco Alarcon ក្នុងការបង្ហាញខ្លួនឲ្យក្រុម Real Madrid ក្នុងរដូវកាលនេះ។ ជាក់ស្តែងណាស់ Isco បានដើរតួនាទីយ៉ាងសំខាន់ តាមរយៈការបោះបាល់ និងការស៊ុតបញ្ចូលទី ញឹកញាប់ក្នុងរដូវកាលនេះ ខណៈរដូវកាលមុន Isco មិនសូវល្អដូចនេះឡើយ។ ជាងនេះទៅទៀត ក្នុងជំនួបជាមួយ Las Palmas ម្សិលមិញ Isco បានបន្តស៊ុតបាន១គ្រាប់ទៀតឲ្យក្រុម Real Madrid ក្នុងចំណោម ៣គ្រាប់ដែល Real Madrid សម្រេចបាន។ បន្ថែមលើនេះ កីឡាករ២រូបទៀត ក៍បានស៊ុត​ឲ្យ Real Madrid ម្នាក់១គ្រាប់ផងដែរ គឺ Casemiro និង Marco Asensio ។

យ៉ាងណាវិញ សម្រាប់កំពូលខ្សែប្រយុទ្ធដ៍ឆ្នើម និងជាតារាស៊ុតរបស់ក្រុម Real Madrid តាំងពីឆ្នាំ ២០០៩ ក្រោយពីផ្ទេរពីក្រុម បីសាចក្រហម Manchester United ក្នុងតម្លៃ ៨០លានផោន Cristiano Ronaldo មិនអាចរកគ្រាប់បាល់បានឡើយ។ Ronaldo រដូវកាលនេះ គឺជារដូវកាលដ៍អន់បំផុតរបស់កីឡាកររូបនេះ នៅ Laliga ព្រោះថា កីឡាករវ័យ៣២ឆ្នាំរូបនេះទើបតែស៊ុតបាន ១គ្រាប់ប៉ុណ្ណោះ ឲ្យ Real Madrid នៅ Laliga ។ ក៍ប៉ុន្តែ ការលេងធ្លាក់កូដរបស់ Ronaldo នេះដែរ ត្រូវបានគេសង្កេតឃើញថា Isco ហាក់ដូចជាលេចធ្លោជាង​មុនទៅវិញ ដែលកីឡាករអេស្ប៉ាញរូបនេះ កំពុងតែក្លាយជា Key Player របស់ក្រុម Real Madrid ។ ម្យ៉ាងវិញទៀតនោះ រដូវកាលក្រោយ ឬក្រោយៗទៀត ប្រសិនបើ Isco នៅតែល្អបែបនេះនោះ Isco ប្រាកដជាដណ្តើមតំណែង កីឡាករល្អបំផុតរបស់ Real Madrid ជាក់ជាមិនខាន។

សូមបញ្ជាក់ផងដែរថា Isco បង្ហាញវត្តមាន ក្នុងជម្រើស១១នាក់ដំបូងញឹកញាប់ឲ្យ ក្រុម Real Madrid នៅដើមរដូវកាលមុន បន្ទាប់ពី Gareth Bale បានរងរបួសរយៈពេលយូរ ចាប់តាំងពីពេលនោះមក Isco មានឱកាសបង្ហាញសមត្ថភាពពេញលេញ មកទល់ពេលបច្ចុប្បន្ននេះ។