លោក Arsene Wenger ពិតជាមានការសោកស្តាយយ៉ាងខ្លាំង ចំពោះការបរាជ័យក្រោមស្នាដៃក្រុមកំពូលតារាង Manchester City ក្នុងលទ្ធផល ៣-១ នាសប្តាហ៍ទី១១នេះ។

នៅក្រោយចប់ការប្រកួត លោក Arsene Wenger គ្រូបង្វឹករបស់ក្រុមកាំភ្លើងធំ Arsenal ហាក់មានអារម្មណ៍មិនសប្បាយចិត្តចំពោះលទ្ធផលនេះឡើយ។ ជាក់ស្តែងណាស់ បើតាម ESPN reports បានឲ្យដឹងថា ការបរាជ័យក្រោមស្នាដៃក្រុម Manchester City ៣-១ គឺជាលទ្ធផលមិនសមឡើយ។ លោក Arsene Wenger បានផ្តល់សម្ភាសន៍ឲ្យដឹងថា នៅតង់ទី២ យើងធ្វើបានល្អ ដោយយើងអាចរកគ្រាប់បាល់តាមពីក្រោយ ២-១ ក្រោយពីត្រូវ Man City នាំមុខ ២គ្រាប់មុនរួចមក។ ម្យ៉ាងវិញទៀតនោះ ទម្រង់លេងរបស់ Arsenal កំពុងតែលេងត្រូវជើងគ្នាយ៉ាងខ្លាំង ដោយអាចបង្កើតឱកាស ក្នុងការតាមស្មើក្រុម Man City ផងដែរ។

យ៉ាងណាវិញ លោក Arsene Wenger បានខកចិត្តយ៉ាងខ្លាំង ចំពោះការសម្រេចចិត្តរបស់លោក​អាជ្ញាកណ្តាល ដោយមិនលើកទង់ជំហរក្រៅល្បែង ដែលធ្វើឲ្យ Devid Silva អូសបាល់យ៉ាងស្រួល រួចបញ្ជូនទៅឲ្យ Gabriel Jesus ស៊ុតនៅនាទីទី៧៤។ លោក Wenger បានឲ្យដឹងបន្ថែមទៀតថា លោកបានមើល វីដេអូសារចុះ សាឡើងជាច្រើនលើក នៅតែមិនអស់ចិត្តចំពោះការកាត់សេចក្តីនេះ ព្រោះថាកីឡាករក្នុងទីលានរបស់ Arsenal ជាពិសេសខសែការពារលែងរត់អស់ទៅហើយ ដោយគិតថា​បាល់ស្ថិតក្នុងជំហរក្រៅល្បែងយ៉ាងច្បាស់ក្រឡែតទៅហើយនោះ។

លោក Wenger បានឲ្យដឹងបន្ថែមទៀតថា ពួកយើងបានធ្វេសប្រហែល ដោយមិននឹកស្មានថា អាជ្ញកណ្តាល មើលមិនឃើញពី ជំហរក្រៅល្បែងរបស់ Devid Silva ឡើយ បើមិនមានគ្រាប់បាល់នេះទេ ប្រហែលជា Arsenal អាចធ្វើរឿងមិននឹកស្មានដល់ជាក់ជាមិនខាន។ ក៍ប៉ុន្តែ លោកអាជ្ញាកណ្តាលបានសម្រេចចិត្តរួចទៅហើយ ម្យ៉ាងការប្រកួតក៍ត្រវបានបញ្ចប់ ខណៈលោក Arsene Wenger បានត្រឹមសោកស្តាយប៉ុណ្ណោះ ព្រោះ Manchester City បានដណ្តើមយក ៣ពិន្ទុរួចទៅហើយ។