ថ្វីបើជាការប្រកួតលក្ខណះ មិត្តភាពក្តី តែសម្រាប់ក្រុមគោ​ជល់អេស្ប៉ាញ មិនបន្ធូរដៃឡើយ ដោយមកលុតក្រុម​កូស្តារីកា យ៉ាងចាស់ដៃ ក្នុងលទ្ធផល ៥-០ ក្នុងទឹកដីរបស់​ខ្លួនឯង។

នេះគឺជាការប្រកួតយ៉ាងអស្ចារ្យ សម្រាប់ក្រុមជើងខ្លាំងអេស្ប៉ាញ ក្នុងការយកឈ្នះលើក្រុមខ្លាំង មកពីតំបន់អាមេរិកខាងជើង កូស្តារីកា យ៉ាងធ្ងន់ធ្ងរបែបនេះ។ ៥គ្រាប់របស់ក្រុមអេស្ប៉ាញ រកបានតាំងពីនាទីទី ៦ដោយខ្សែការពារស្លាបឆ្វេងរបស់ក្រុម​ Barcelona កីឡាករ Jordi Alba បន្ទាប់មកនៅនាទីទី២៣ ខ្សែប្រយុទ្ធរបស់ក្រុមតោខៀវ Chelsea កីឡាករ Alvaro Morata រកបាន១គ្រាប់ទៀត ឲ្យក្រុមអេស្ប៉ាញ បន្ថែមការនាំមុខលើក្រុមកូស្តារីកា។ យ៉ាងណាវិញ អេស្ប៉ាញមិនទាន់ស្កប់ស្កល់ឡើយ ដោយកីឡាករ David Silva របស់ក្រុម Manchester City រកបាន ២គ្រាប់បន្ថែមទៀត ដោយកីឡាកររូបនេះ ទាត់ចូលនៅនាទីទី៥១ និង៥៥។ ថ្វីបើនាំមុខ ដល់ទៅ ៤-០ ក៍ដោយ ក៍អេស្ប៉ាញ នៅតែបន្តការវាយលុក បន្ថែមទៀត ដោយអាចរកបាន១ គ្រាប់បន្ថែមទៀត នៅនាទីទី ៧៣ ដោយខ្សែបម្រើវ័យចំណាស់ របស់ក្រុម Barcelona គឺកីឡាករ Andres Iniesta ។

ដូច្នេះហើយ ក្រុមអេស្ប៉ាញ បានលុតក្រុមជើងខ្លាំង មកពីអាមេរិកខាងជើង ក្នុងលទ្ធផល ៥-០ ដែលជាលទ្ធផល យ៉ាងគាប់ប្រសើរមុន ការប្រកួតព្រឹត្តិការណ៍ World Cup នៅរុស្ស៊ី​ ឆ្នាំក្រោយមកដល់នោះ។

តោះ! មកទស្សនា ការស៊ុតបញ្ចូលទីយ៉ាងអស្ចារ្យរបស់​ក្រុមគោជល់អេស្ប៉ាញ លើក្រុមកូស្តារីកា ខាងក្រោមនេះ​ទាំងអស់គ្នា៖

https://www.youtube.com/watch?v=OjG_O1Tbrbg