ក្រុមបាល់ទាត់ដែលកំពុងប្រកបអាជីពនៅលីគកំពូលកម្ពុជា វេស្ទើនភ្នំពេញ បានណាត់ ខេមបូឌានថាយហ្គឺរ មកប្រកួតមិត្តភាពកម្តៅសាច់ដុំ នៅថ្ងៃទី១០ ខែវិច្ចិកា ឆ្នាំ២០១៧ វេលាម៉ោង ៣:០០ នាទីរសៀលនេះ លើទីលានកីឡដ្ឋានវេស្ទើន។

ជំនួបនេះធ្វើឡើងដោយសារតែលីគកំពូលរបស់កម្ពុជា សប្តាហ៍នេះត្រូវសម្រាក ដោយទុក្ខឲ្យកីឡាករមួយចំនួនមកបំពេញភារកិច្ចជាមួយជម្រើសជាតិកម្ពុជា ក្នុងពានរង្វាន់ AFC Asian Cup UAE 2019 នៃវគ្គជម្រុះពូល C តទល់នឹង ជម្រើសជាតិហ្សកដានី នៅថ្ងៃទី១៤ ខែវិច្ចកា ឆ្នាំ២០១៧ខាងមុខនេះ វេលាម៉ោង ៦:៣០ នាទីល្ងាច ដែលធ្វើឡើងនៅលើពហុកីឡដ្ឋានជាតិ រាជធានីភ្នំពេញ។

គិតត្រឹមសប្តាហ៍ទី១៩ វេស្ទើនភ្នំពេញ ឈរនៅចំណាត់ថ្នាក់លេខ៨ មាន ២២ពិន្ទុ ដោយ ១៩ប្រកួត ឈ្នះ ៦ដង ស្មើ ៤ដង នឹងចាញ់ ៩ដង ខណ:ដែល ខេមបូឌានថាយហ្គឺរ បង្ហាញខ្លួន ១៩ប្រកួត ឈ្នះ ៨ដង ស្មើ ៧ដង នឹងចាញ់ ៣ដង កំពុងមាន ៣២ពិន្ទុក្នុងដៃ។ ហើយក្នុងជំនួបនេះ Post Sport នឹងធ្វើការផ្សាយផ្ទាល់ផងដែរ៕