ក្រុមបីសាចក្រហម Manchester United បានដាក់ចេញតម្លៃពិតប្រាកដមួយហើយ ក្នុងការលក់​កីឡាករ Luke Shaw នៅទីផ្សារដោះដូរកីឡាករ នៅខែមករាខាងមុខនេះ។

បើតាមការចុះផ្សាយរបស់ Express News បានឲ្យដឹងថា ក្រុមបីសាចក្រហម Manchester United បានកំណត់​តម្លៃលក់ចេញ របស់កីឡាករ Luke Shaw ហើយ។ ប្រភពខាងលើដដែលនេះ បានឲ្យដឹងថា Man Utd នឹងមិនទុក Shaw ទៀតឡើយ ដោយក្រុមមួយនេះ បាន​សម្រេចលក់ Luke Shaw ក្នុងតម្លៃ ២០លានផោន ប្រសិនបើក្លិបណាចង់បាននោះ។

ជាការពិតណាស់ Shaw ក្រោមការដឹកនាំរបស់លោក Jose Mourinho ហាក់មិនទទួលបានជោគជ័យឡើយ ដោយកីឡាកររូបនេះ កម្រនឹងបានចូលលេងណាស់។ ម្យ៉ាងវិញទៀតនោះ លោក Mourinho តែងតែស្តីបន្ទោសដល់ Shaw ចំពោះទម្រង់លេង របស់​ Shaw ដែលតែងតែមិនត្រូវចិត្ត អ្នកចាត់ការក្រុមបីសាចក្រហម Manchester United រូបនេះឡើយ។ ដោយហេតុនេះហើយ លោក Jose Mourinho បានសម្រចចិត្តលក់ Luke Shaw ហើយ ដើម្បីផ្តល់ឱកាសឲ្យកីឡាកររូបនេះ ទៅរកទ្រនុំថ្មីដែលល្អប្រសើរ សម្រាប់រូបគេ។

ដូច្នេះហើយ តម្លៃ ២០លានផោននេះ ប្រាកដណាស់នឹងមានក្លិបតាមចែរចង់យក Luke Shaw នោះ ជាពិសេសគឺក្លិបចាស់របស់គេ Southampton តែម្តង។