នេះគឺជារឿងដ៍ល្អ សម្រាប់ក្រុមបាល់ទាត់នៅទ្វីបអាស៊ី ដែលអាចឡើងទៅលេង នៅព្រឹត្តិការណ៍ World Cup ឆ្នាំក្រោយនេះ ដែលកម្រនឹងមានក្រុមអាស៊ីអាចឡើងដល់​ទៅ៥ក្រុមបែបនេះណាស់។

ជាក់ស្តែងណាស់ អូស្ត្រាលី គឺជាក្រុមអាស៊ីទី៥ ដែលបានឡើងទៅលេងវគ្គចែកពូល World Cup នៅឆ្នាំក្រោយ បន្ទាប់ពីបានយកឈ្នះក្រុមមកពី អាមេរិកខាងជើង ហុងដូរ៉ាស់ ក្នុងលទ្ធផលសរុបទាំង២ ជើង​ ៣-១ ។ ការទៅលេងទឹកដីហុងដូរ៉ាស់ សប្តាហ៍មុន អូស្ត្រាលី ធ្វើបានយ៉ាងល្អ ដោយអាចទប់បានស្មើ ០-០ ខណៈការមកកាន់ទឹកដីអូស្ត្រាលី ម្សិលមិញនេះ អូស្ត្រាលី បានយកឈ្នះ ៣-១ បន្តឡើងទៅកាន់វគ្គចែកពូល ឆ្នាំក្រោយ។ អូស្ត្រាលី តាំងពីកាត់ចូលតំបន់អាស៊ីមក តែងតែមានវត្តមាន ក្នុងព្រឹត្តិការណ៍ World Cup នេះរហូតមិនដែលអវត្តមានឡើយ ដោយគិតចាប់ពីឆ្នាំ ២០០៦ មក ស្របពេលដែលឆ្នាំអូស្ត្រាលី ឆិតខកខានមិន​បានលេងដោយសារត្រូវប្រកួត Play Off ពីវគ្គកន្លងមក​ហើយ។

ដូច្នេះហើយ សម្រាប់ព្រឹត្តិការណ៍ World Cup នៅរុស្ស៊ីឆ្នាំក្រោយនេះ ក្រុមអាស៊ីទាំង៥ ដែលត្រូវឡើងទៅកាន់វគ្គបន្តនោះ រួមមានដូចជា, ជប៉ុន, កូរ៉េខាងត្បូង, អ៊ីរ៉ង់, អារ៉ាប៊ី សាអីឌីត និងចិងក្រោយនេះ អូស្ត្រាលី។

https://www.youtube.com/watch?v=G8CmkfokQII