អតីតខ្សែប្រយុទ្ធរបស់ក្រុមជម្រើសជាតិអ៊ីតាលី និងធ្លាប់ជួយឲ្យអ៊ីតាលី ឈ្នះពាន World Cup កាលពីឆ្នាំ ២០០៦ កីឡាករ Alessandro Del Piero មានបំណងចង់ឲ្យលោក​ Antonio Conte វិលទៅដឹកនាំ​ក្រុម ជម្រើសជាតិអ៊ីតាលីវិញ។

បន្ទាប់ពីក្រុមជម្រើសជាតិអ៊ីតាលី ត្រូវបានជ្រុះចេញ នៅវគ្គជម្រុះ ក្រោមស្នាដៃក្រុមស៊ុយអ៊ែតរួចមក តំណែងរបស់លោក Giampiero Ventura កំពុងតែរង្គោះរង្គើរយ៉ាងខ្លាំង។ បើតាមការចុះផ្សាយរបស់ Sports360 បានឲ្យដឹងថា អតីតកីឡាករដ៍ឆ្នើម របស់ក្រុម​ជម្រើសជាតិអ៊ីតាលី Alessandro Del Piero ចង់បានអតីតគ្រូបង្វឹកអ៊ីតាលីលោក Antonio Conte ត្រឡប់មកដឹកនាំអ៊ីតាលីវិញ Piero បានឲ្យដឹងថា អ៊ីតាលី ពិតជាត្រូវកាលោក Conte យ៉ាងខ្លាំង នៅពេលលោក Conte ចាកចេញពី Chelsea នោះ លោកអាចមកកាន់អ៊ី​តាលី បាន ព្រោះថាអ៊ីតាលី កំពុងតែត្រូវការអ្នកមកពង្រឹង​ក្រុមយ៉ាងខ្លាំង។

Piero បានឲយដឹងបន្ថែមទៀតថា គ្រូ​បង្វឹក​បច្ចុប្បន្នលោក Giampiero Ventura បានធ្វើឲ្យអ៊ីតាលី ខកខានមិនបានឡើងទៅលេង World Cup នៅរុស្ស៊ីឆ្នាំក្រោយនេះ ដែលជារឿងមួយ គួរឲ្យសោកស្តាយបំផុត សម្រាប់អ៊ីតាលី។ យ៉ាងណាវិញ Alessandro Del Piero ជឿជាក់ថា ការត្រឡប់មកវិញ របស់លោក Conte នឹងធ្វើឲ្យអ៊ីតាលី មានភាពប្រសើរជាងមុនជាក់ជាមិនខាន ព្រោះលោកធ្លាប់ដឹកនាំអ៊ីតាលីកន្លងមកល្អខ្លាំងណាស់។

ជាងនេះទៅទៀត អ្វីដែលជាកង្វល់សម្រាប់អ៊ីតាលីនោះគឺ​ ខ្លាចប្រកួតជម្រុះធ្លាក់ Euro ២០២០ ខាងមុខនេះទៀត ដែលតម្រូវឲ្យអ៊ីតាលី ត្រូវស្វែងរកគ្រូបង្វឹកថ្មី មកពង្រឹងក្រុម​ឡើងវិញ ខណៈលោក Antonio Conte ជាជម្រើសល្អបំផុតសម្រាប់អ៊ីតាលី។