ការប្រកួតពានរង្វាន់លីគកំពូលកម្ពុជារដូវកាល ២០១៧ សប្តាហ៍ទី២១ ដោយក្រុមបាល់ទាត់ អគ្គស្នងការដ្ឋាននគរបាលជាតិ(ប៉ូលិស)​ ត្រូវទទួលស្វាគមន៍ ភ្នំពេញក្រោន នាវេលាម៉ោង ៣ រសៀលនេះ នៅលើវាល់ស្មៅធម្មជាតិនៃកីឡដ្ឋានស្ដាតចាស់។

គិតត្រឹម ២០ប្រកួត កន្លងមក ប៉ូលិស កំពុងតែស្ថិតនៅក្នុងចំណាត់ថ្នាក់លេខ ៧ ដោយឈ្នះ ៨ដង ស្មើរ ៥ដង និងចាញ់ ៧ដង កំពុងមាន ២៩ ពិន្ទុក្នុងដៃ។ ស្របពេលដែល ភ្នំពេញក្រោន កំពុងតែស្ថិតនៅចំណាត់ថ្នាក់លេខ ៥ ដោយ ២០ប្រកួត ក្នុងនោះឈ្នះ ១០ដង ស្មើ ៦ដង និងចាញ់ ៤ដង ដោយកំពុងមាន ៣៦ ពិន្ទុនៅក្នុងដៃតាមពីក្រោយក្រុមលេខ ៤ ក្រសួងការពារជាតិ ៦ពិន្ទុ ខណៈដែលអស់ឱកាសប្រជែងក្រុមកំពូលតារាង ព្រោះនៅសល់តែ ២ប្រកួតទៀតចប់លីគ ទោះឈ្នះទាំងពីរប្រកួតចុងក្រោយស្មើពិន្ទុជាមួយក្រសួងការពារជាតិក៏ដោយ។

ប្រវត្តជួបគ្នា ៥លើក ចុងក្រោយក្នុងលីគ៖
ថ្ងៃទី០២ ខែសីហា ២០១៥ អគ្គស្នងការដ្ឋាននគរបាលជាតិ ១-១ ភ្នំពេញក្រោន
ថ្ងៃទី១៧ ខែតុលា ២០១៥ ភ្នំពេញក្រោន ២-១ អគ្គស្នងការដ្ឋាននគរបាលជាតិ
ថ្ងៃទី២៦ ខែកុម្ភៈ ២០១៦ អគ្គស្នងការដ្ឋាននគរបាលជាតិ ០-០ ភ្នំពេញក្រោន
ថ្ងៃទី២៤ ខែមិថុនា ២០១៦ ភ្នំពេញក្រោន ៣-០ អគ្គស្នងការដ្ឋាននគរបាលជាតិ
ថ្ងៃទី០៥ ខែមីនា ២០១៧ ភ្នំពេញក្រោន ២-២ អគ្គស្នងការដ្ឋាននគរបាលជាតិ