នៅក្នុងការប្រកួតជម្រុះ ១៦នាក់ ដើម្បីយក ៨កាន់ ឡើងទៅវគ្គបន្ទាប់ កាលពីថ្ងៃសៅរ៍ទី២៤ វិច្ចិកា នៅសង្វៀនប៉ុស្ដិ៍លេខ៥ ព្រែកកំពិស ដោយ សៅ វណ្ណា បានយកឈ្នះ វុត្ថា ប៊ុនឃាង ដោយពិន្ទុ ក្នុងការប្រកួតចំនួន ៣ទឹក នៃព្រឹត្តិការណ៍ TV5 Knock Out Series K-Cement ។

ក្រៅពី សៅ វណ្ណា ដែលបានឡើង ក៏នៅមានមួយគូទៀតដោយ ពុយ វណ្ណ: បានយកឈ្នះ មាស សុជាតិ ដោពិន្ទុ ដូចគ្នា ធ្វើឲ្យអ្នកទាំងពីរដឹកដៃគ្នាជាបេក្ខភាពចុងក្រោយ ដែលបានឡើងទៅវគ្គ ៨នាក់។ សម្រាប់ការប្រកួតនៅវគ្គនេះក៏ដូចរូបមន្ត នៅវគ្គមុនដែរ ពោលគឺអ្នកចាញ់ត្រូវធ្លាក់តែម្តង ដូច្នេះហើយរាល់ការប្រកួតកីឡាករត្រូវខំប្រឹងឲ្យអស់ពីរសមត្ថភាព ដើម្បីបានឡើងទៅដំណាក់កាលបន្ត នឹងឈានដល់លើកពានមួយនេះ។

គួរបញ្ជាក់ថា កីឡាករដែលឈានមកដល់វគ្គ ៨នាក់ រួមមាន អ៊ុ វណ្ណេត, វ៉ែន ហុងជីវ៉ុង, គឹម វាសនា, សំអាង ឌុន, ផន ប៊ុនម៉ៅ, រ័ត្ន ដារ៉ា នឹងកីឡាករពីររូបសប្តាហ៍នេះ សៅ វណ្ណា, ពុយ វណ្ណ: ។ សម្រាប់ការប្រកួតនៅវគ្គ ៨នាក់ នេះក៏ដូចជារូបមន្ត នៅវគ្គមុនដែរ ពោលគឺអ្នកចាញ់ត្រូវធ្លាក់តែម្តង ដើម្បីបាន ៤នាក់ មកប្រកួតនៅវគ្គបន្ត ហើយយកអ្នកឈ្នះ ២នាក់ ទៅប្រកួតផ្តាច់ព្រ័ត្រយកតែម្នាក់ប៉ុណ្ណោះសម្រាប់លើកពានទម្ងន់ ៦៥ គីឡូក្រាម។៕

សៅ វណ្ណា(ខៀវ)