ផ្ទះ ព័ត៌មានកីឡា Barcelona ចាប...

Barcelona ចាប់អារម្មណ៍ Willian ជំនួស Coutinho

0

ក្រុម Barcelona បានសម្លឹងឃើញ ខ្សែបម្រើប្រេស៊ីលមួយរូបទៀតហើយ ដែលក្រុមអេស្ប៉ាញមួយនេះ ជឿជាក់ថា នឹងអាចជំនួស Philippe Coutinho ប្រសិនបើក្លិបទិញមិនបាននោះ។

បើតាមការចុះផ្សាយរបស់ The Goal បានឲ្យដឹងថា ក្រុម Barcelona បានចាប់អារម្មណ៍ ក្នុងការនាំយកខ្សែបម្រើ Willian របស់ក្រុមតោខៀវ​ Chelsea ដើម្បីយកមកកាន់ក្លិបនៅពេល ដែលទិញមិនបាន Philippe Coutinho ។ ជាការពិតណាស់ Willian កំពុងតែត្រូវក្រុមតោខៀវ Chelsea ចង់លក់ចេញ ដើម្បីទិញយក Lucas Mouara ពីក្រុម Paris Saint Germain វិញ។ ក្នុងនោះដែរ Willian ត្រូវបានទម្លាយឲ្យដឹងថា ក្រុម Chelsea នឹងលក់ទៅឲ្យក្លិបនៅចិន ឬក៍ដោះដូរគ្នាជាមួយក្រុម Paris Saint Germain ។

យ៉ាងណាវិញ ដំណឹងនៃការលក់ Willian នេះដែរ បានធ្វើឲ្យក្រុម Barcelona មានការចាប់ អារម្មណ៍យ៉ាងខ្លាំង ក្នុងការនាំយកកីឡាករប្រេស៊ីលរូបនេះ មកកាន់អេស្ប៉ាញ។ ម្យ៉ាងវិញទៀតនោះ Barcelona មានបំណងរៀបជើងព្រួល ប្រសិនក្លិបមួយនេះ មិនអាចទិញ បានខ្សែបម្រើ Philippe Coutinho ពីក្រុមហង្សក្រហម Liverpool ទេនោះ Willian នឹងក្លាយ​ជាជម្រើសដ៍ល្អ សម្រាប់ក្រុម Barcelona ។

ដូច្នេះហើយ ក្រុម Barcelona បានរៀបចំរួចស្រេចហើយ ក្នុងការនាំយក Willian ពីក្រុមតោខៀវ Chelsea ប្រសិនបើបរាជ័យ ក្នុងការនាំយក Philippe Coutinho ពី Liverpool នោះ។

មតិយោបល់