Post News Media ព័ត៌មានកីឡា Paul Scholes ...

Paul Scholes ចាប់ផ្តើមរិះគន់ការដឹកនាំរបស់លោក Jose Mourinho

អតីតខ្សែបម្រើកណ្តាលដ៍ឆ្នើមរបស់ក្រុមបីសាចក្រហម Manchester United កីឡាករ Paul Scholes បានចាប់ផ្តើមរិះគន់ការដឹកនាំរបស់លោក Jose Mourinho ដែលធ្វើមិនបានល្អឡើយ នៅចុងឆ្នាំ ២០១៧នេះ។

តាមរយ:កិច្ចសម្ភាសន៍ជាមួយ BBC Sports អតីតកីឡាករដែលជួយឲ្យក្រុមបីសាចក្រហម Manchester United ឈ្នះពានជាច្រើននោះ កីឡាករ Paul Scholes បានឲ្យដឹងថា កីឡាកររូបនេះ បានមើលឃើញពីការចំណាយយ៉ាងច្រើនរបស់លោក Jose Mourinho ដែលមិនសមមូល ជាមួយនឹងអ្វីដែលជា​សមទ្ធិផលរបស់លោក នៅឆ្នាំនេះ​ឡើយ។ ជាក់ស្តែងណាស់ នៅចុងឆ្នាំ ២០១៧ កន្លងមកនេះ ពោលគឺចាប់ពីចាញ់ក្រុម Manchester City រួចមកក្រុម​បីសាចក្រហម បានធ្លាក់ទម្រង់លេងយ៉ាងខ្លាំង ដោយមិនទាន់ស្គាល់ឈ្នះ១ ប្រកួតនៅឡើយទេ ក្នុងចំណោម ៤ប្រកួតចុងក្រោយនៅចុងឆ្នាំ ២០១៧ បើទោះបីជាដើមឆ្នាំថ្មី ២០១៨ Man Utd បានស្គាល់ឈ្នះដំបូងលើក្រុម Everton ក៍ដោយ។

Scholes បានឲ្យដឹងថា ការចំណាយលុយទិញយកខ្សប្រយុទ្ធ ក្នុងតម្លៃថ្លរបស់លោក Mourinho កាលពីរដូវក្តៅកន្លងមក​ហាក់ដូចជាចំណាយឥតប្រយោជន៍ ដោយសារតែមិនអាច​ធ្វើឲ្យ Man Utd ល្អប្រសើរនៅឡើយទេ ថ្វីបើ​ដើមរដូវកាលកន្លងមក ល្អគួរសមក៍ដោយ។​ កីឡាករដ៍ឆ្នើមរូបនេះ កំពុងតែព្រួយបារម្ភពីការត្រៀម​ចំណាយ​លុយយ៉ាងច្រើនសន្ធឹកសន្ធាប់ នៅទីផ្សារដោះដូរកីឡាករ នាខែមករានេះ ព្រោះថា លោក Jose Mourinho ចង់បានកីឡាករសុទ្ធតែតម្លៃថ្លៃកប់ពពក ដែលវាជាការចំណាយលុយច្រើនបំផុតក្នុងប្រវត្តិសាស្ត្ររបស់ក្លិប។

យ៉ាងណាវិញ Paul Scholes នៅតែសរសើរពី​ការដឹកនាំរបស់លោក Sir Alex Ferguson ដែលមិនទាន់​មានអ្នកជំនួសលោក បាននៅឡើយទ ព្រោះថា លោកចំណាយលុយតិច តែជោគជ័យច្រើន ខណ:អ្នកដឹកនាំក្រោយៗមកទៀត ចំណាយលុយច្រើន តែទទួលបានជោគជ័យតិច។