Post News Media ព័ត៌មានកីឡា Buffon ថា ខ្ស...

Buffon ថា ខ្សែប្រយុទ្ធល្អជាងគេលើលោក នាពេលបច្ចុប្បន្ននេះ មិនមែន Messi និង Ronaldo ឡើយ

អ្នកចាំទីដៃស្អិតរបស់ក្រុមជម្រើសជាតិអ៊ីតាលី និង Juventus កីឡាករ Gianluigi Buffon បានឲ្យដឹងថា ខ្សែប្រយុទ្ធល្អជាងគេលើលោក នៅពេលនេះ មិនមែន Lionel Messi និង Cristiano Ronaldo ដែលមនុស្សគ្រប់គ្នាតែងតែចាត់ទុកជា Idol ឡើយ។

តាមរយ:របាយការណ៍របស់ Talk Sports បានឲ្យដឹងថា​ Buffon មិនបានចាត់ទុកថា Lionel Messi និង Cristiano Ronaldo ជាកំពូលខ្សែប្រយុទ្ធដ៍ល្អលើលោក នាពេលបច្ចុប្បន្ននេះឡើយ។ Buffon បាននិយាយថា ” ជាង១០ឆ្នាំកន្លងមកនេះ Ronaldo និង Messi បានធ្វើឲ្យ​ពិភពលោក មានការភ្ញាក់ផ្អើលយ៉ាងខ្លាំង ចំពោះសមត្ថភាពរបស់កីឡាករទាំង២ ដែលបង្កព្យុះភ្លៀង​ដល់ពិភពបាល់ទាត់​ “។

យ៉ាងណាវិញ សករាជរបស់ Ronaldo និង Messi ល្មមដល់ពេលបញ្ចប់ហើយ ព្រោះ​ថា នៅពេលនេះ ពួកគេល្មមដល់ពេលបញ្ខប់ហើយ ខណ:កីឡាករនាពេលបច្ចុប្បន្ននេះ កំពុងតែសាងកេរ្តិ៍ឈ្មោះ​យ៉ាងសុសសាយក្នុងវិស័យបាល់ទាត់។ ក្នុងនោះដែរ Buffon បានឧទ្ទេសនាមកីឡាករមួយរូប ដែលកំពុងតែជំនួសតំណែងរបស់ Ronaldo និង Messi ជាកីឡាករល្អជាងគេក្នុងលោក នោះគឺ ខ្សែប្រយុទ្ធរបស់ក្រុម Tottenham Hotspur កីឡាករ​ Harry Kane ដែលជា Top Scorer ប្រចាំឆ្នាំ ២០១៧។

ជាក់ស្តែងណាស់ Harry Kane កំពុងតែវាយលុកប្រជាប្រិយភាពយ៉ាងខ្លាំង នាឆ្នាំ ២០១៧កន្លងមកនេះ។ ក្នុងនោះដែរ Harry Kane បានក្លាយជាអ្នកទាត់បញ្ចូលទីច្រើនជាងគេបំផុតប្រចាំឆ្នាំ ២០១៧ ដោយគិតទាំងការប្រកួតឲ្យក្លិប និងជម្រើសជាតិ ដែលនេះគឺជាលើកដំបូងហើយ សម្រាប់កីឡាករអង់គ្លេសរូបនេះ។ ម្យ៉ាងវិញទៀតនោះ Kane កំពុងតែជាទីចាប់អារម្មណ៍របស់ ក្រុម Real madrid ខណ:តម្លៃខ្លួនរបស់កីឡាកររូបនេះ ច្រើនជាង ២០០លានផោន ថ្លៃជាង Neymar ដែលផ្ទេរទៅកាន់ក្រុម Paris Saint Germain ទៅទៀត។

ហេតុនេះហើយ Gianluigi Buffon ជឿជាក់ថា Harry Kane គឺជាខ្សែប្រយុទ្ធ ឬកីឡាករល្អជាងគេលើលោក នាពេលបច្ចុប្បន្ននេះ ស្របពេលដែលសករាជរបស់ Lionel Messi និង Cristiano Ronaldo ល្មមដល់ពេលចប់ហើយ។