ក្រុម AS Monaco បានបំបាក់ក្រុម Moulins Yzeure ក្នុងលទ្ធផល ៥-២ ក្នុង​ព្រឹត្តិការណ៍ Franch Cup យប់មិញនេះ ក្នុងការបន្តឡើងទៅកាន់វគ្គបន្ទាប់ទៀត នៃព្រឹត្តិការណ៍នេះ។

ថ្វីបើ Monaco មិនដាក់កីឡាករល្អៗ ឲ្យលេងទាំងអស់ ក្នុងជំនួបជាមួយក្រុម Moulins Yzeure ក៍ដោយ តែក្រុមកំពូលរបស់បារាំងមួយនេះ នៅតែអាចស៊ីយ៉ាងផុយនៅក្រុមមកពីលំដាប់ទាបមួយនេះ។ ៥គ្រាប់របស់ក្រុម Monaco រកបានដោយ កីឡាករ Guido Carrillo ចំនួន៣គ្រាប់ ដោយស៊ុតបាននៅនាទីទី១, ៤៩ និងនាទីទី៨៣ ខណ:២គ្រាប់ទៀតរកបានដោយ ការស៊ុតរបស់កីឡាករ Stevan Jovetic ១គ្រាប់នៅនាទីទី៣៨ និងការស៊ុតបាល់ ១១ម៉ែត្ររបស់កីឡាករ Fabinho នៅនាទីទី៥៤។ ចំណែកក្រុមម្ចាស់ផ្ទះ Moulins Yzeure វិញ អាចវាយបកបានមកវិញ ចំនួន២គ្រាប់ផងដែរ ដែលស៊ុតបាល់ ១១ម៉ែត្របានដោយ កីឡាករ Elhadji Malick Seck នៅនាទីទី២៨ និងការទាត់​បញ្ចូលទីយ៉ាងល្អ របស់កីឡាករ Jeremy Hardouin នៅនាទីទី៤៤ ដែលធ្វើឲ្យក្រុមទាំង២ បញ្ចប់ក្នុងលទ្ធផល ៥-២ ។

ដូច្នេះហើយ ក្រុម Monaco បន្តឡើងទៅកាន់ជុំបន្តទៀត ស្របពេលដែលក្រុម Moulins Yzeure ត្រូវចាកចេញ ពី Franch Cup នេះ។

https://www.youtube.com/watch?v=MMa9Vb6FX50