ថ្វីបើក្រុម Atletico Madrid ទទួលបានកាតក្រហម តាំងពីដើមតង់ទី១ ពោលនៅ​នាទីទី១០ ដែលកីឡាករ Sime Vrsaljko ទទួលបានការលឿងទី២ ឈានទៅរក​កាតក្រហមក្តី តែក្រុមអេស្ប៉ាញមួយនេះ នៅតែមិនឲ្យ Arsenal ធ្វើព្យុះភ្លៀងតាម​ចិត្តឡើយ។

បន្ទាប់ពីក្រុម Atletico Madrid ទទួលបានកាត្រហមតាំងពីដើមតង់ទី១ មក​ក្រុម​កាំភ្លើងធំ Arsenal បើកការវាយលុកដូចទឹកបាក់ទំនប់ លើក្រុម Atletico Madrid ដោយបង្កើតឱកាសជាច្រើនលើក ក្នុងការរកគ្រាប់បាល់បញ្ចូលទី។ បើទោះបីជាយ៉ាងនេះក្តី Arsenal ហាក់មិនងាយស្រួលឡើយ ព្រោះថាក្រុម​ភ្ញៀវ​អេស្ប៉ាញ លេងបិទមុខទីពេញតែម្តង ជាហេតុធ្វើឲ្យ Arsenal មិនងាយស្រួល​ឡើយ ដែលបាល់ភាគច្រើនទាត់មិនចំទី ឬទាត់ចំខ្សែការពារ Atletico Madrid ប៉ុណ្ណោះ ខណ:ការស៊ុតចំគោលដៅ មានតិចតួចហើយ ត្រូវបាន Oblack សង្រ្គោះ​បានទៀត។ យ៉ាងណាវិញ នៅនាទីទី៦១ ខ្សែប្រយុទ្ធបារាំង Alexandre Lacazette តែតបញ្ចូលទី១ គ្រាប់ឲ្យ Arsenal មានទឹកមាត់លេបក្នុងការនាំមុខលើក្រុមភ្ញៀវ ក៍ប៉ុន្តែ នៅនាទីទី៨២ Antoine Griezmann បានស៊ុតតាមស្មើមកវិញ ដោយបញ្ចប់លទ្ធផល ៩០នាទីពេញ ១-១ ។

ដូច្នេះហើយ Arsenal នៅមិនទាន់រួចខ្លួនឡើយ ដោយត្រូវទៅលេងទឹកដី Atletico Madrid វិញនៅសប្តាហ៍ក្រោយ ដើម្បីស្វែងរកក្រុមឡើងទៅកាន់វគ្គ​ផ្តាច់​ព្រ័ត្រ Europa League ខណ:លទ្ធផល ១ គូ ទៀតវិញ Marseille បានយកឈ្នះ Salzburg ២-០ ។

//www.youtube.com/watch?v=qcOE29WGQIE