ខ្សែប្រយុទ្ធអង់គ្លេស Harry Kane បានបង្ហើបឲ្យដឹងថា រូបគេពិតជាពេញចិត្តក្នុងការប្រកបអាជីពជាមួយក្រុម Tottenham Hotspur ណាស់ តែកីឡាកររូបនេះ បានពោលពាក្យមួយឃ្លាដែលធ្វើឲ្យអ្នកគាំទ្រ Spurs មាន​ការព្រួយបារម្ភយ៉ាងខ្លាំង។

ជាក់ស្តែងណាស់ បើតាមការចុះផ្សាយរបស់ Daily Star បានឲ្យដឹងថា Harry Kane ទំនងជាមិនចង់លេងឲ្យក្រុម Tottenham ទៀតឡើយ។ ជាការពិត ការព្រួយបារម្ភ​របស់អ្នកគាំទ្រមាន់ខ្នាយមាស​ Tottenham Hotspur បានកើតឡើង នៅក្រោយពេលដែល បានឆ្លើយប្រាប់អ្នក​សារពត៌មានទាក់ទងនឹងអនាគត់របស់ខ្សែប្រយុទ្ធដ៍មុត​ស្រួចរូបនេះ តាមរយៈប្រភពខាងលើដដែលនេះ បានឲ្យដឹងថា បន្ថែមទៀតថា Hary Kane បាននិយាយថា ” ខ្ញុំសប្បាយចិត្តខ្លាំងណាស់ ក្នុងការប្រកបអាជីពនៅទីនេះ ជាមួយក្រុម Tottenham, ក៍ប៉ុន្តែ ខ្ញុំចង់ឈ្នះពាន “។ តាមរយៈសម្តីមួយឃ្លាខាងលើនេះ បានធ្វើឲ្យមជ្ឈដ្ឋានជា​ច្រើនយល់ថា កីឡាករដ៍ល្អរបស់អង់គ្លេសនាពេលបច្ចុប្បន្ន​នេះ កំពុងចង់ចាកចេញពី Tottenham ស្រវ៉ា Real Madrid ដើម្បីក្តីសុបិនឈ្នះពានរបស់គេ។

យ៉ាងណាវិញ សម្តីដែល Harry Kane បាននិយាយនោះ មិនមែនមានន័យថា Harry Kane ចង់ចាកចេញទៅកាន់ Real Madrid ដើម្បីឈ្នះពានឡើយ គឺកីឡាករអង់គ្លេសរូបនេះ ចង់ឈ្នះពានជាមួយ Spurs ព្រោះថានាពេលកន្លងមកនេះ ពោលចាប់ពីពេលដែល Kane ចាប់អាជីពនៅ White Heart Land រួចមកក្លិបពុំ​ទាន់ឈ្នះពានណាមួយនៅឡើយទេ ពោលគឺបានត្រឹមរង​ជើងឯក Premier League ២រដូវកាលជាប់ៗគ្នា ( ២០១៥-២០១៦ និង ២០១៦-២០១៧ ) ខណៈ Harry Kane ក៍បានឈ្នះស្បែកជើងមាស ២រដូវកាលជាប់ៗគ្នាផង​ដែរ។