ក្រុមអ្នកមានបារាំង Paris Saint Germain នៅតែធ្វើបានយ៉ាងល្អ ដោយទម្លាក់ក្រុម Guingamp ក្នុងលទ្ធផល ៤-២ យប់មិញនេះទៀត​។

PSG ក្រោយពីចាញ់ Lyon រួចមកបានមកស្តារមុខមាត់ឡើងវិញ ដោយការបំបាក់​ក្រុម Guingamp ក្នុងលទ្ធផល ៤-២ បន្តទៅកាន់វគ្គបន្ទាប់ទៀត។ ក្នុងនោះដែរ ៤គ្រាប់របស់ក្រុម Paris Saint Germain រកបានដោយការស៊ុតរបស់កីឡាករ Andrien Rabiot នៅនាទីទី២១, ការទាត់បញ្ចូលទីខ្លួនឯងរបស់កីឡាករ Lucas Deaux នៅនាទីទី២៥, Javier Pastore នៅនាទីទី៦៤ និងការស៊ុតរបស់កីឡាករ Marquinhos នៅនាទីទី៨៩។ ចំណែកក្រុម Guingamp វិញអាចរកបាន២គ្រាប់សងវិញ តាមរយ:ការស៊ុតបាល់១១ម៉ែត្រទាំង២គ្រាប់ ដែលជាការស៊ុតរបស់កីឡាករ Marcus Thuran នៅនាទីទី៣៣ និងកីឡាករ Yeni N’Gbakoto នៅនាទីទី៧៥។

ដូច្នេះហើយ ថ្វីត្បិតតែក្រុម Guingamp អាចស៊ុតបាន៣គ្រាប់មែន តែ១គ្រាប់ចូលទីខ្លួនឯងនេះហើយ ដែលធ្វើឲ្យបរាជ័យក្រោមស្នាដៃក្រុម Paris Saint Germain ក្នុងលទ្ធផល ៤-២។

//www.youtube.com/watch?v=Ewf-iIiGtLU