បន្ទាប់ពីចាញ់ការប្រកួត នាដើមសប្តាហ៍មុនកន្លងមក លោក Roman Abramovic បានគម្រាមបណ្តេញលោក Antonio Conte ចេញពី Stamford Bridge ប្រសិនបើលោកដឹកនាំក្លិបចាញ់ក្រុម Watford យប់នេះទៀត។

ជាក់ស្តែងណាស់ បើតាមការចុះផ្សាយរបស់ Daily Mail បានឲ្យដឹងថា មហាសេដ្ឋីរុស្ស៊ី និងជាប្រធានក្លិបតោខៀវ Chelsea លោក Roman Abramovic បានផ្តល់ឱសានវាទដល់លោក Conte ក្នុងជំនួបជាមួយក្រុម Watford យប់នេះ។​ មហាសេដ្ឋី រូបនេះ បានគម្រាមបណ្តេញលោក Conte ចេញប្រសិនបើលោក ត្រូវបរាជ័យក្រោមស្នាដៃក្រុម Watford យប់នេះទៀត ព្រោះថា Chelsea ទើបតែចាញ់ក្នុងដីយ៉ាងអាម៉ាស់ កាលពីការប្រកួតមុន។ នេះគឺជារឿងធម្មតាស្រាប់ទៅហើយ សម្រាប់ប្រធានក្លិបតោខៀវ Chelsea រូបនេះ ដែលតែងតែ បណ្តេញគ្រូបង្វឹកចេញពីក្លិប ដោយមិនគិតពីសមទ្ធិផលរបស់គ្រូ​បង្វឹក​រូបណាឡើយ ឲ្យតែដឹកនាំមិនបានល្អ នឹងបណ្តេញចេញភ្លាម។ យ៉ាងណាវិញ សម្រាប់លោក Conte បានត្រៀមខ្លួនរួចហើយដែរ ក្នុងការចាកចេញ តែមិនមែនពេលនេះទេ គឺនៅរដូវកាលក្រោយ ដើម្បីទៅដឹកនាំក្រុមជម្រើសជាតិ​អ៊ីតាលី ឬក្រុម Inter Milan ផងដែរ។

ក៍ប៉ុន្តែ លោកនឹងមិនធ្វើឲ្យ Abramovic បណ្តេះចេញ ដូច Jose Mourinho ឡើយ ខណៈការប្រកួតជាមួយ Watford យប់នេះ លោក Antonio Conte នឹងធ្វើយ៉ាងណា ស្តារមុខស្តារមាត់របស់ក្រុម តោខៀវ Chelsea មិនឲ្យបរាជ័យទៀតឡើយ។