ផ្ទះ ព័ត៌មានកីឡា ខ្សែបម្រើស្លា...

ខ្សែបម្រើស្លាបរបស់ក្លិប Atletico Madrid បានចូលរួមជាមួយក្លិបចិន Dalian Yifang

0

យោងតាមរបាយការណ៍ពីកាសែតអេស្ប៉ាញ AS បានឱ្យដឹងថាខ្សែបម្រើស្លាបរបស់ក្លិប Atletico Madrid សញ្ជាតិអាហ្សង់ទីន Nicolas Gaitan ត្រូវបានគេរាយការណ៍ថា កំពុងធ្វើដំណើរទៅកាន់ទឹកដីប្រទេសចិនរបស់ក្លិប Dalian Yifang ក្នុងតម្លៃ ១៨ លានអឺរ៉ូ។

កីឡាករវ័យ ៣០ ឆ្នាំរូបនេះ បានចូលរួមជាមួយក្រុម Atletico ក្នុងតម្លៃ ២៥ លានអឺរ៉ូ នៅរដូវក្តៅឆ្នាំ ២០១៦ ដោយផ្លាស់ពីក្លិប Benfica ប៉ុន្តែបានចាប់ផ្តើមតែពីរប្រកួតប៉ុណ្ណោះនៅរដូវកាលនេះ។ AS បានឱ្យដឹងថា Gaitan បានធ្វើដំណើរទៅកាន់ប្រទេសចិន កាលពីថ្ងៃច័ន្ទ ដើម្បីសរសេរលើក្រដាសចុះកិច្ចសន្យារយ:ពេល ៣ ឆ្នាំជាមួយ នឹងក្លិប Dalian Yifang។

ក្លិបបាល់ទាត់ Dalian Yifang ត្រូវបានកាន់កាប់ដោយមហាសេដ្ឋីជនជាតិចិនលោក Wang Jianlin ដែលទើបតែលក់ភាគហ៊ុនចំនួន ១៥ ភាគរយនៅ Atletico Madrid ទៅឲ្យក្រុមហ៊ុន Quantum Pacific Group ដែលគ្រប់គ្រងដោយមហាសេដ្ឋីអ៊ីស្រាអែលលោក Idan Ofer ។

ក្រុមហ៊ុន Dalian Wanda Group របស់លោក Wang Jianlin នៅតែឧបត្ថម្ភការសាងសង់កីឡដ្ឋានថ្មីរបស់ក្រុម Atletico Madrid ឈ្មោះ Wanda Metropolitano ដដែលបើទោះបីលក់ភាគហ៊ុនរួចក៏ដោយ៕

មតិយោបល់