បើទោះបីជាពត៌មានជាផ្លូវការណ៍ កន្លងមកនេះ បានឲ្យដឹងថា Neymar ត្រូវអវត្តមាន ៣សប្តាហ៍ ដែលក្នុងនោះ រួមទាំងការប្រកួតជាមួយ Real Madrid ផងនោះ បានធ្វើឲ្យមានក្តីកង្វល់យ៉ាងខ្លាំង សម្រាប់ក្រុមបារាំងមួយនេះ។

យ៉ាងណាវិញ បើតាមការចុះផ្សាយរបស់ Mundo Deportivo ពីប្រទេសបារាំង បានឲ្យដឹងថា លោក Unia Emery បានសម្រេចចិត្តមិនឲ្យ​ Neymar អវត្តមានក្នុងការប្រកួត ទល់ក្រុម Real Madrid ឡើយ។ លោក Emery កំពុងតែឲ្យក្រុមគ្រូពេទ្យ មមាញឹកយ៉ាងខ្លាំង ក្នុងការព្យាបាល របួស Neymar តាមរយៈការវះកាត់បន្ទាន់មួយ ដើម្បីឲ្យកីឡាកររូបនេះជាលឿនបំផុត ទោះក្នុងលក្ខខ័ណ្ឌណាក៍ដោយ ដើម្បីឲ្យជាមុនការប្រកួតរវាង​ Paris Saint Germain និង Real Madrid មកដល់។

ប្រភពខាងលើដដែលបានឲ្យដឹងទៀតថា Neymar គឺជាកីឡាករសំខាន់មួយរូបរបស់ក្រុម Paris Saint Germain ដែលមិនអាចខ្វះបានឡើយ ព្រោះថា ក្លិបបារាំងមួយនេះ ត្រូវការឈ្នះជាចាំបាច់ ដើម្បីបន្យមហិច្ចតារបស់ពួកគេ នៅ Champion League ។

សម្រាប់លោក Unai Emery កំពុងតែប្រឹងប្រែងឲ្យអស់ពីលទ្ធភាព ដើម្បី ធ្វើឲ្យ Neymar អាចចូលទីលានបាន ក៍ប៉ុន្តែលទ្ធផលជាក់ស្តែងនោះ ត្រូវរង់ចាំមើលសិន ខណៈលោក Emery រំពឹងថា ការប្រកួតជើងទី២ Champion League ទល់ក្រុមអធិរាជស Real Madrid នឹងមានវត្តមានរបស់ Neymar ក្នុងទីលាន។