ព័ត៌មាននៃការចាកចេញរបស់ខ្សែប្រយុទ្ធអង់គ្លេស Harry Kane កាន់តែលេចចេញជារូបរាងហើយ ខណៈក្លិបអង់គ្លេសមួយនេះ ក៍បានត្រៀមនាំយក​ខ្សែប្រយុទ្ធថ្មីមួយរូបមកកាន់​ នៅរដូវកាលក្រោយផងដែរ។

បើតាមការចុះផ្សាយរបស់ Daily Mail បានឲ្យដឹងថា ក្រុមមាន់ខ្នាយមាស Tottenham Hotspur បានសម្លឹងឃើញខ្សែប្រយុទ្ធអាឡឺម៉ង់ Marco Reus ដើម្បីជំនួសតំណែង Harry Kane ដែលទំនងជាចាកចេញនៅរដូវកាលក្រោយ​នេះ។ Marco Reus ទើបតែវិលចូលទីលានថ្មីៗនេះប៉ុណ្ណោះ ក្រោយពីរងរបួសរយៈពេលវែង នាពេលកន្លងមក តែការវិលមកកាន់ទីលានវិញ ខ្សែប្រយុទ្ធអាឡឺម៉ង់រូបនេះ នៅតែធ្វើបានយ៉ាងល្អដដែល។

ក្នុងនោះដែរ​ ក្រុម Tottenham បានសម្លឹងឃើញកីឡាកររូបនេះ ដោយចង់នាំយក Marco Reus ទៅកាន់ Premier League នៅរដូវកាលក្រោយនេះ ខណៈ Harry Kane កំពុងលេចធ្លាយពត៌មាននៃការចាកចេញទៅកាន់ Real Madrid ផងដែរ។ យ៉ាងណាវិញ Spurs អាចនឹងមិនបណ្តោយឲ្យដំបន់ប្រយុទ្ធទំនេរឡើយ នៅពេល Kane ចាកចេញ ដោយនាំយក Marco Reus ឲ្យបានលឿនបំផុត ដើម្បីកុំឲ្យមានបញ្ហា។​

ដូច្នេះហើយ ក្រុមមាន់ខ្នាយមាស Tottenam Hotspur ទំនងជាក្លិបអង់គ្លេសមួយ ដែលអាចនាំយកខ្សែប្រយុទ្ធអាឡឺម៉ង់ Marco Reus មកកាន់ Premier League ។