ក្រុមបាល់ទាត់ ភ្នំពេញក្រោន ដែលជាម្ចាស់ជើងឯកក្របខ័ណ្ឌកំពូលចំនួន ៦ សម័យកាល នឹងត្រូវទទួលស្វាគមន៍ក្រុមចំណូលថ្មី សូលទីឡូអង្គរ នាវេលាម៉ោង ៦ ល្ងាចនេះ លើទីលានកីឡដ្ឋាន RSN ។

នៅក្នុងការប្រកួតលើកទី១ នៃក្របខ័ណ្ឌកំពូលកម្ពុជារដូវកាល ២០១៨ នេះក្រុមម្ចាស់ផ្ទះហាក់បីដូចជាមានព្រាបច្រើនជាង ដោយសារតែក្រុមភ្ញៀវទើបឡើងមកពីក្របខ័ណ្ឌលំដាប់ទី២ កម្ពុជា នឹងជាក្លិបទើបតែបង្កើតកាលពីរដូវកាលមុនប៉ុណ្ណោះ ខណៈដែល ភ្នំពេញក្រោន គឺជាម្ចាស់ជើងឯក ៦ សម័យកាលមកហើយ។

សូមបញ្ជាក់ថា ក្រុមទាំងពីរមិនធ្លាប់ជួបគ្នាលក្ខណៈផ្លូវការឡើយ តែការប្រកួតមិត្តភាពធ្លាប់ជួបចំនួន ១ លើក ដោយលទ្ធផល ភ្នំពេញក្រោន យកឈ្នះ​ សូលទីឡូអង្គរ ២ ទល់ ០ នាកីឡដ្ឋាន RSN នេះផ្ទាល់តែម្តង៕