បើទោះបីជាតាមពីក្រោយក្រុមកំពូលតារាង​ Barcelona ហូតដល់ទៅ ៨ពិន្ទុមែន តែក្រុម Atletico Madrid នៅតែរំពឹងក្នុងការប្រជែងពាន Laliga នេះដដែល ខណៈ ៨ពិន្ទុនេះដែរ មិនច្រើនប៉ុន្មានឡើយ។

ជាក់ស្តែងណាស់ ក្រោយពីយកឈ្នះក្រុម Celta Vigo ៣-០ យប់មិញនេះ បានធ្វើឲ្យក្រុម Atletico Madrid នៅតែមាសង្ឃឹមក្នុងការដណ្តើមយកពាន Laliga ជាមួយក្រុម Barcelona ដដែល។ ៣គ្រាប់ដែល Atletico Madrid ស៊ុតបញ្ចូលទី Celta Vigo យប់មិញនេះ រកបានដោយខ្សែប្រយុទ្ធឆ្នើម Antoine Griezmann នៅនាទីទី៤៤, កីឡាករ Vitolo ស៊ុតបាននៅនាទីទី៥៦ និងកីឡាករ​ Angel Correa ស៊ុតបាននៅនាទីទី៦៣។ តាមរយៈជ័យជម្នះនេះដែរ បានធ្វើឲ្យក្រុម Atletico Madrid កាត់បន្ថយនូវគម្លាត នៃការនាំមុខរបស់ក្រុម Barcelona ពី ១១ពិន្ទុ មកនៅត្រឹម ៨ពិន្ទុវិញប៉ុណ្ណោះ។ ការបន្ថយគម្លាតនេះដែរ អាចធ្វើឲ្យ Atletico Madrid មានសង្ឃឹមច្រើនក្នុងការប្រជែងពាន ជាមួយ Barcelona ព្រោះថាការប្រកួតនៅសល់ច្រើនគួរសមដែរ ប្រសិនបើ Barcelona ភ្លាត់ ៣-៤ ប្រកួតនោះ ហើយ Atletico Madrid ធ្វើបានល្អវិញ ច្បាស់ណាស់ ពាននេះមុខជារបូតមកលើ Atletico Madrid ជាក់ជាមិនខាន។

យ៉ាងណាវិញ នេះគ្រាន់ជាក្តីសង្ឃឹមប៉ុណ្ណោះ ព្រោះថាវាមិនងាយស្រួលឡើយ ខណៈ Barcelona គឺជាក្រុមដ៍ខ្លាំងមួយ ម្យ៉ាងមកទល់ពេលនេះ នៅ Laliga ក្រុមមួយនេះ មិនទាន់ចាញ់នៅឡើយទេ ជាហេតុធ្វើឲ្យ Atletico Madrid មិនងាយស្រួលក្នុង​ការរំពឹងឈ្នះពានឆ្នាំនេះឡើយ។

https://www.youtube.com/watch?v=bEreZ2HdTOY