ខ្សែប្រយុទ្ធកំពូលអាហ្សង់ទីន Lionel Messi បានត្រៀមខ្លួនរួចហើយ ក្នុងការប្រកួតជាមួយក្រុមតោខៀវ Chelsea យប់នេះ ដោយកីឡាកររូបនេះ ចង់ផ្តល់មេរៀនថ្មីមួយដល់ ក្លិបអង់គ្លេសឲ្យរាងចាលម្តង។
ជាក់ស្តែងណាស់ បើតាមការចុះផ្សាយរបស់ The Goal បានឲ្យដឹងថា Lionel Messi ហាក់មិនភ័យព្រួយចំពោះការទទួលក្រុមតោខៀវ Chelsea ក្នុងជំនួបជើងទី២ UEFA Champion League នៅ Camp Nou ឡើយ។ ក្នុងនោះដែរ Messi បាននិយាយថា៖ ថ្ងៃនេះគឺជាការប្រកួតដ៍តានតឹងមួយ សម្រាប់ពួកយើងដែលត្រូវទទួលក្រុមខ្លាំងដូចជា Chelsea បែបនេះ, វាមិនងាយស្រួលឡើយក្នុងការយកឈ្នះក្រុមដែលមានប្រព័ន្ធការពាររឹងមាំបែបនេះ។ ក៍ប៉ុន្តែ សម្រាប់ការប្រកួតនេះដែរ ពួកយើងបានត្រៀមខ្លួនយ៉ាងល្អ ក្នុងការបំបាក់ក្រុម Chelsea ព្រោះថាយើងចង់ផ្តល់មេរៀនមួយ ឲ្យពួកគេ បានស្គាល់ និងឈឺចាប់ដូចអ្វីដែលពួកគេធ្លាប់ធ្វើមកលើយើង។
តាមរយៈការនិយាយបែបនេះ មានន័យថា ក្រុម Barcelona ចង់បំបាក់ក្រុមតោខៀវ Chelsea ឲ្យជ្រុះចេញពី Champion League ត្រឹមវគ្គ ១៦ក្រុមចុងក្រោយនេះ។ ម្យ៉ាងវិញទៀត ការតាំងចិត្តយ៉ាងមុខមាំ របស់ Lionel Messi នេះដែរ អាចក្លាយជាកម្លាំងចលករមួយយ៉ាងសំខាន់ ក្នុងការជម្រុញឲ្យក្រុម Barcelona យកឈ្នះក្រុម Chelsea នាយប់នេះ។ គួរបញ្ជាក់ផងដែរថា កាលពីជើងទី១ នៅទឹកដី Chelsea លទ្ធផលរវាងក្រុមទាំង២ បានបញ្ចប់ ១-១ ខណៈជើងទី២ នេះលេងទឹកដី Barcelona វិញម្តង តើលទ្ធផលនឹងមានការប្រែប្រួលកម្រិតណាវិញ?
មតិយោបល់