ក្រុមជើងឯកអាឡឺម៉ង់ Bayern Munich ពិតជាធ្វើបានយ៉ាងល្អ ដោយបន្តមកយកឈ្នះក្រុម Besiktas របស់តួគីដល់ក្នុងដី ៣-១ នៅជើងទី២​នេះទៀត ដោយមានកៅអីសុវត្ថិភាព ឡើងទៅកាន់វគ្គ ៨ក្រុមចុងក្រោយ Champion League ។

ជាក់ស្តែងណាស់ ក្នុងជំនួបជើងទៅទី ក្នុងដីរបស់ក្រុម Besiktas នេះដែរ Bayern Munich នៅតែអាចផ្តួលក្រុមតួគីមួយនេះ បានដដែល ដើម្បីឡើងទៅកាន់វគ្គបន្តទៀត​។ ៣គ្រាប់របស់ក្រុម Bayern Munich យប់មិញ​នេះ រកបានដោយការស៊ុតរបស់កីឡាករ Thiago Alcantara នៅនាទីទី១៨, ការទាត់បញ្ចូលទីខ្លួនឯងរបស់កីឡាករ Gokhan Gonul នៅនាទីទី៤៦ និងការទាត់បញ្ចូលទីរបស់កីឡាករ Sandro Wagner នៅនាទីទី៨៤ ខណៈក្រុម Besiktas វិញ អាចវាយបកបានមកវិញ ត្រឹម១គ្រាប់ប៉ុណ្ណោះ ដលជាការស៊ុត​បញ្ចូលទីរបស់កីឡាករ Vagner Love នៅនាទីទី៥៩។ តាមរយៈលទ្ធផលនេះដែរ បង្ហាញឲ្យឃើញថា ក្រុម Bayern Munich បានយកឈ្នះទាំង២ ជើងលើក្រុម Besiktas ក្នុងលទ្ធផល ៨-១ ពោលជើងទី១ Bayern Munich ៥-០ Besiktas និងជើងទី២វិញ Besiktas ១-៣ Bayern Munich ។

ដូច្នេះហើយ ក្រុម Bayern Munich នៅតែជាក្រុមខ្លាំងនៅតំបន់អឺរ៉ុបដដែល ដោយត្រូវបន្តឡើងទៅ​លេងវគ្គ ៨ក្រុមចុងក្រោយ Champion League បន្តទៀត។

https://www.youtube.com/watch?v=d4BOuRm3z-g