Post News Media ព័ត៌មានកីឡា Liverpool មិន...

Liverpool មិនលក់ Salah ដរាបណាមិនឈ្នះ Premier League

ក្រោយពីមានពាក្យចរចាមអារាមជាច្រើន ទាក់ទងនឹងក្លិបធំៗជាច្រើន ហ៊ានចំណាយលុយកប់ក្តោង ក្នុងការទិញយក Mohamed Salah ពីក្រុមហង្ស​ក្រហម Liverpool នោះ នៅពេលនេះ Liverpool បានប្រតិកម្មតប ទាក់ទងនឹង​បញ្ហានេះ។

ជាក់ស្តែងណាស់ បើតាមការចុះផ្សាយរបស់ Time – Subcription Required បានឲ្យដឹងថា​ ក្រុមហង្សក្រហម Liverpool មិនលក់ Mohamed Salah ឲ្យក្លិប​ណាមួយឡើយ មិនថាក្លិបណាហ៊ានឲ្យតម្លៃប៉ុណ្ណាឡើយ។ មូលហេតុដែល Livepool មិនលក់ Salah នេះដែរ​ ដោយសារតែ ក្លិបអង់គ្លេសមួយនេះ ចង់ឈ្នះ Premier League រដូវកាលក្រោយនេះ ដោយរំពឹងថា Salah អាចជួយក្លិបឲ្យ​ឈ្នះបាន។ ប្រសិនបើ Liverpool ពិតជាឈ្នះ Premier League រដូវកាលក្រោយមែន នោះ ហង្សក្រហម នឹងយល់ព្រមលក់ Mohamed Salah ជាក់ជាមិនខាន ព្រោះថាមហិច្ចតារបស់ក្លិបមួយនេះ ចង់ឈ្នះ Premier League យ៉ាងខ្លាំង។

យ៉ាងណាវិញ ថ្វីដ្បិតតែមានការបដិសេធ បែបនេះក្តី ក៍ប៉ុន្តែ ធាតុពិត​នៅមិនទាន់ដឹងច្បាស់នៅឡើយទេ ដោយសារតែតម្លៃខ្លួនរបស់ Salah កើនខ្ពស់​ហួសពីការស្មាន ម្យ៉ាងមិនខុសពី Philippe Coutinho ឡើយ​ ដែល Liverpool ធ្លាប់បដិសេធ លក់ជាច្រើនលើកច្រើនសារ ចុងក្រោយលក់ដដែល ខណ:កីឡាករ​រូបនេះ មិនទាន់ជួយក្លិបឲ្យឈ្នះពានណាមួយនៅឡើយ។